尋晚好開心呀~ 阿仔請晒班兄弟姊妹去銅鑼灣 "泰Simple" 食飯~ 計埋伴郎伴娘, 總共有8兄弟8姊妹~ 不過尋晚有一個兄弟同一個姊妹唔得閒出黎...始終都係未齊人~ 傳說中既伴郎真係好鬼高...都真係ok靚仔...仲要幾吹得~ 阿仔之前已經同左我講佢幾多歲...哈哈...算吧啦~ 靚仔一樣無面俾...照串~ 哈哈~

食完飯11點左右...我地一行8人北上"尋歡~ 原來"佢"都去喎...即係一行9人喇~ 今次又試新場...都ok喎~ 自從 "她" 睇波發癲之後...我已經2個月無搵過佢...見到佢都無野講...費事又講錯野..."她" 唔鐘意啦~ 但係尋晚我地竟然有野講~ "她" 仲要好鬼多野講...好似未發癲之前咁~ 雖然而家好似有講有笑...但係我都係會小心d講野...唔知幾時又會講錯野~ 因為大家之前見到面無野講...個感覺真係好唔舒服!! Anyway...而家都算雨過天晴呀~

尋晚按摩發生左好多小插曲...不能盡錄~ 搞到今朝6點幾7點先訓~ 訓醒食埋野...諗住去碌齡...點知勁多人囉~ 諗住吹住水等啦...點知等左成鐘都仲有成十條link先到我地...最終都係碌唔成~ 今日真係好累...要早d訓喇~ 我阿姐聽日返公司喇...唉...又做死都似~