呢排日日返工放工...做到傻~ 但係點忙都好...我都唔會俾自己太夜走~ 因為我知道開左個頭...就好難收尾~ 哈哈~

今日一早黎左兩隻"鬼"~ 晏晝仲俾兩個阿姐捉左去飲茶~ 我真係好唔鐘意呢d應酬~ 4點幾終於開完會~ 忙左成日...勁多野未做~ 不過我手腳快...拿拿淋清晒d野~ 不過又點會有做完既一日呀~ 7點鐘熄機諗住走人...點知我阿姐走埋黎同我講佢有野搞錯左要做過~ 嘩...即刻火都黎呀~ 好...我做~ 9秒9時間開機...執返好晒...出埋e-mail...即刻熄機...講埋拜拜...走!!

跟住出左旺角食飯~ 死仔又玩野...搞左好耐先諗到食咩~ 唉...你唔打黎我都唔知自己又咁白痴...唔知幾時又打左好多個電話出去~ "你"啦...阿柏啦...仲call埋車添...死未!! 一定係我唔小心襟到個電話啦~ 咁樣又無啦啦俾你問埋晒d無聊問題~
"同男仔定女仔食飯呀?" ... 朋友緊係有男有女o架啦~ 有關係咩?
"溝仔呀? 定俾仔溝呀?" ... 唔好咁老土啦~ 你唔覺得好核突咩?
"高唔高大? 靚唔靚仔? 身家豐唔豐厚先?" ...真係十個無奈~

以上既問題...已經唔係第一次問~ 以前...我會婉轉d答你~ 但我而家同將來既答案都會係一樣...一句你好憎聽到我講既說話 "關你咩事?"~ 因為我真係覺得無必要答呢d問題~ 我要交代既人...並唔係你~