每年既年三十晚我都一定會同屋企人食團年飯~ 因為平時一個星期都無一次同屋企人一齊食飯~ 哈哈~ 今晚既晚飯非常好味...因為我媽咪煮野食真係好好味~ ^^

今晚成班fd約左睇戲~ 好想睇"門徙"...可惜所託非人...買唔到飛不特止...仲要買左套咩野"雙子xx" 12點10分~ 食完團年飯都未夠9點~ 約左我個"小甜心"行花市~ 我諗住行旺角花墟...點知行下行下...行到深水步~ 咁算啦...照行啦~ 見到d吹氣公仔好得意...不過陣間去睇戲...無理由帶去睇戲o架...實俾人小啦~ 點知...俾我見到個好得意既"愛你夠臭"豬pat pat 咕o臣~ 多謝晒"小甜心"~

行完花市兜左好耐先搵到個地鐵站~ 唉...兩個都係路盲~ 我仲約左幾個fd起深水步等埋我先搭的的去奧海城...我又遲到~ 哈哈~ 好在去到都未夠鐘...咁岩仲要玩緊倒數添~

呢套"雙子xx"俾我想像中好睇...都有d笑位~ 不過睇戲中途既小插曲仲緊張~ Ring姐食團年飯時又飲左好多酒...睇睇下去左嘔~ 聽大佬講佢仲訓著左添~ 唉...真係服左Ring姐...散場仲同我講初三團拜叫埋佢個姨生, 侄女, 文仔一齊玩...一齊飲~ 真係無佢咁好氣呀~

睇完兩點左右...佢地又話去行花市~ 我諗住今次應該可以行到旺角個花墟啦~ 點知...原來我頭先行深水步o個到..即係旺角花市~ 好...又行多一次~ 行完花市出左旺角食野...吹下水咁又5點鐘lu~

好累...不過唔緊要...年初一我係唔使拜年o架...有排訓啦~ 哈哈~