仲有唔夠一個月就係黎大小姐同周先生既大婚之喜~ 哈哈~ 睇見佢地成日嘈 (灑花槍) 真係好好笑~

原本又話計埋新郎新娘先廿個人...點知原來除左新郎新娘, 伴郎伴娘, 仲有10個兄弟同10個姊妹囉~ 好在尋晚起妹子到燒野食有d人黎唔到o者...如果唔係都唔知點燒~ 3 個爐都唔夠啦~

1月13日係原來係嬅女生日~ 燒到10幾半左右切埋蛋糕我就走喇~ 因為約左dearest飲野...要趕下場~ 由筲箕灣去荃灣要成個鐘呀~ 去到都差唔多12點喇~ 好快...又已經係凌晨喇~

我話過去到第一舖唔理係咩...我都叫4個1~ 哈哈~ 最終都係輸左俾dearest~ 成晚係咁輸呀~ >.<" 我又唔俾人大得...飲到差d噴出黎呀...哈~ 仲係咁俾人串添呀~

尋晚真係好開心~ 因為有人起我耳邊講左一句說話~ 我真係好想即刻攬住佢黎錫呀~ 不過我驚嚇親佢呀~ 哈哈~ 我地傾左好耐計...個感覺好舒服~ 其實每次同佢出黎飲野食飯我都覺得好舒服~ 不過我又覺得因為我出黎...搞到佢掛住同我傾計...唔得閒陪佢d fd玩咁~ 傾傾下...唔知係你定係我......但個感覺真係好好~

玩到差唔多4點左右...你話送我返屋企先~ 之前飲野你都飲到好大...今次係最清醒既一次~ 亦係第一次送我返屋企~ 我知道大家都好清醒...或者係覺得我唔知自己做緊咩啦~ 但我真係一d都無後悔過~ 因為我係一個好清楚自己做緊咩野既人~ 我只係知道...我o個刻真係好想攬住你~ 反而我覺得我好似令你抖唔到氣...令你好辛苦咁~ 或者我真係太任性~ 對唔住~

1月14日凌晨...將會係我呢一生人一個重要既回憶~ 一個開心...甜蜜既回憶~