近掛公司真係crazy busy~ 但係我無因為多野做而唔開心~ 因為...有人陪我一路做野...一路傾計~ 哈哈~

本來今日心情好靚o架~ 返工o個時有個fd晨早打黎吹水...傾埋d無聊野~ 所以一早就成個人醒晒...好精神~ 返到公司又可以同dearest傾計喎~ lunch個同事又煮左我好鐘意食既"栗子炆雞翼"...好好味~

點知一個晏晝...心情一百八十度轉變!! 大陸廠條友發癲...阿姐又發癲...搞到我都發癲!!叫左大陸班友仔搞掂d布今晚一定要落俾我...點知聽到一句好冷淡既回應"無喎...無整喎...聽日先啦!!"仆街~ 你要玩野留返同我阿姐玩啦...你唔係玩我呀!! 咁我唯有答返佢一句 "咁你以後咩野都唔好做啦!!" 收左線已經好慶...點知個老女人仲要講一句"阿man你今日要留堂呀!!" 你無野呀...我有邊日唔使ot o架?! 你仲要講句咁既野?? 你晚晚都"時運高...睇我唔到呀??" 睬你都傻呀...做完野即走!! o個時都已經7點半喇~ 你又見我唔到o架啦...我無ot啦~

本來諗住放工早d返屋企...點知又有即慶飯局~ 都好...比我抖下氣~ 不過我都無搵佢呻...因為講佢都唔明o架啦...費事o徙口水~

今日自己心情差...又搵人發洩~ 搞到對你d態度唔係咁好添~ 真係好對唔住~ 唉...自己問題~ 真係失敗!!