2006年最後一日既凌晨時間...多謝你話俾我知你係點諗~

如果我選擇同11個朋友睇完007之後上大陸...我唔會出左去同你飲野~

如果我無出去飲野...我唔會俾人考我記性~ 我亦唔會知道...你真係好好記性~ 我更加唔知原來自己咁無記性...唉...

如果唔係俾你串...我跟本唔會問返12月28日你send俾我既SMS究竟係真...定係飲大左呢?? 我真係唔敢問~

呢個世界邊有咁多個如果o架!!我就係一個唔會後悔既人!!要發生既就由他發生啦~

我同你都知道...呢個moment大家最想既就係玩...唔想俾人綁!! 但偏偏呢個感覺就係起呢個時候發生起我地身上~

"究竟我係幾時有呢種感覺?"...我真係唔識答你~ 我應我係自欺欺人~ 呢樣野起不久之前亦發生過...而我只會選擇唔去諗或者係逃避!!因為我唔想無左自己既自由!! 同你一齊去飲野傾計...個感覺真係好舒服~ 咩野都可以講...又或者係我咩野都想同你講啦~

其實除左我同你之間既問題外...仲有一個問題~ 我唔會迫你去做任何野...迫你去俾一個答案我...因為我無咁既資格~ 我只係想你覺得舒服同開心...唔想你咁煩~ 因為你同我都係同一類人...唔想人地唔開心~

我而家真係唔會俾到一個咩野答案你...因為有太多問題喇~ 或者等你諗清楚再話我知啦~