星期六請左半日假~ 晨早6:30am出到太子食早餐~ 7:00am集合~ 我地呢班永遠都做"膽"...搞到7:30am先可以開車~

唉...搞事既並唔係我地成班人...而係...ring姐~ 差唔多到文錦道佢先發現無帶身份証~ 唯有即刻落車飛的返屋企囉啦~ 大佬好俾面呀...起我地面前無鬧阿ring...背後就唔知啦~ 抵我咁欣賞大佬o架!! 佢地之後要自己搭車去彿山再轉的士~ 唉...真係無奈呀~

搭左4個鐘車左右終於到 "聚龍灣"~ 我地真係可以住 house...唔係住酒店呀~ 好正呀 ^^~ 真係好似渡假咁~ 我住o個間house一屋兩房三個廁所~ 真係好似自己屋企咁...勁正!! 放底晒d野...換好晒泳衣泳褲後就去浸溫泉喇~ 差唔多個個泉都浸晒lu~ 玩到 5點幾返去沖涼準備食飯~ 大佬同阿ring終於都上到黎喇~ 佢地真係有驚無險~ 截唔到的士...唯有坐"摩托車"...哈~ 真係唔嚇死都凍死啦~

食完自助晚餐之後...各有節目~ 一d返左house打牌...一d又去浸溫泉...我就同兩個fd去左玩 "熱石按摩"~ 咁凍既天氣起室外按摩都真係第一次~ 不過人一世物一世...咩野都要試下~ 按完都係 10:30pm 咋~ 返到house...人齊喇...去左放煙花~ 好耐無玩喇~ 放煙花真係好靚呀...仲真係好有 "燒銀紙" 既感覺~ 哈哈~ 跟住既節目...先係重頭戲!! 登登登登...開檔~ 麻雀, 三公, 魚蝦蟹, 大小...樣樣玩齊~ 一玩又玩到 3點幾...星期日仲要7:30去到食早餐喎~ 訓唔夠三粒鐘就要起身...成班人有得玩個個都唔使訓o架喇~ 哈哈~

第二日去左 "寶蓮洞"...食埋個地道午餐就搭車走人喇~ 1:30pm上車5:30pm先落車~ 我地起黃崗落車, 諗住去 "小肥羊" 打邊爐, 點知搵唔到~ 最終去左間 "青藏羔羊" 到打邊爐~ d野食都真係幾好味喎...仲要超平~ 十二個人食到嘔...都只係 $668...真係抵到爛呀!! 完邊爐...有d星期一唔使返工...或者跟本無野做既fd就去左按摩~ 其餘要返工既唯有返香港啦~

返到屋企10點左右...累到死咁制~ 頂唔順...都係訓覺啦~