今日係Ring姐正日生日~ 我識左佢都兩年幾喇~ 仲記得第一次見佢係04年師兄生日去"哈囉喂"玩~ 佢o個晚成晚抆住我...因為佢又驚...又要玩~ 真係一個大細路~

上年佢B'day同大佬兩個慶祝...第二日我地一齊返大陸玩~ 今年...Ring姐話想飲野...so...尋晚成班去左酒吧同佢慶祝生日~

唉...一去到見到大佬黑口黑面都知出事...鬼咩...我地未到Ring姐已經自隊左差唔多半打喇~ 我地一早講左十點左右先到...但係Ring姐話驚多人晏去會無位...所以夜左工就落左去~ 大佬陪佢坐左成3個鐘...我同Tempo係最早到~ 好在班死仔好快就到喇~ 大佬今次都係第一次捉住我黎呻!! 我都同大佬講...我驚佢唔like我陪阿Ring出去飲野~ 好在大佬知我個人係點...信我會睇住Ring姐~ 但係佢亦都知...咁大個人...有時根本唔係我可以控制到~ Anyway...多謝大佬咁信任我~

尋晚有d fd都無黎...不過都玩得好開心~ Ring姐另外叫左佢兩個fd黎(文仔 & 堔仔)...其中一個fd成日唔出聲...齋做動作...好似做"默劇"咁...好搞笑~ 尋晚吹下水...玩下...飲下都唔知飲左幾多...今日仲要返工添~ 本來都好擔心今日會好累返唔到工...但係竟然好精神~ 2:30am 散..."三劍俠+寶爺"今日唔使返工上左大陸~ 大佬就車埋我同Tempo返屋企...3點幾返到去沖完涼...仲好鬼精神!! 到今朝7點幾夠鐘起身返工都差唔多無訓過~ 合埋隻眼...但係好清醒...個腦不停咁諗野~

有d野...我都唔知諗黎做咩!! 但係我一訓唔著...就會諗埋好多無聊野...呢個習慣唔知幾時可以戎左佢呢?!