2007年2月14日對我黎講並唔係d咩野大日子~ 反而2月13日就真係一個"好大鑊"既日子~ 哈哈~

尋晚係公司食團年飯既大日子~ 我地晨早就上左深圳食早餐~ 12點開車上惠州~ 上到去都晏晝2點幾, 跟住上廠~ 終於都可以見晒廠班女仔同唯一既男仔~ 吹完水已經差唔多5點...跟住開車去酒店~ 7點鐘左右開始食團年飯~ 一開波我地個"公敵"已經俾人隊~ 知佢飲得..緊係唔同佢搵命博啦~ 臨尾諗住執佢死雞...點知...哈哈~ 我今年都幾lucky...抽到個細獎...電飯煲~ 咁大個點拎喎...我放低左俾工廠班同事...睇下佢地邊個岩用啦~

食完團年飯9點幾...跟住去左"金煌"卡拉ok~ 老細包左6間房~ 我地去到都已經爆左幾間lu~ 食飯飲紅酒...唱k飲啤酒~ d大陸人真係好飲得...連上大陸做野既人都好飲得~ 班男人都唔知真醉定假醉~ 搭膊頭...掃背...攬腰...都未夠~ 無啦啦起後面一個龐大身軀攬住你...嚇到我呀~ 玩到2點鐘左右返酒店lu~ 今朝9點半鐘起身去食早餐, 跟住搭車返香港lu~

真係好累~ 原本應承左今日返黎同你去行街...但係真係好累~ 我驚返到屋企訓著左就唔想出街...你都係約你d朋友啦~ 唉...一路訓...d電話...sms...不停響~ 搞到6點幾就醒左喇~ 攤下...吹下水...9點幾出左去食飯~ 條街好多人呀~ 買花? 哈哈~ 情人節禮物當然係送俾情人啦~ 留返送俾你d"小亭仙"啦~ 我受唔起呀~ 多謝喇~

聽日又要返工...不過返埋聽日就放假lu~ ^^