最近好多人都問我鍾意你咩？
鍾意一個人需要理由的嗎？？我搵唔到一個理由講佢地知我鍾意你Ｄ咩～
但我只知我應該愛了你好耐吧．．．
岩岩識你時總覺得你同佢好相似，
可能是你地係好朋友吧～　果時覺得你地無論外表就連小動作都好似一樣咁．．．所以當時我好鍾意搵你出黎，傾計又好飲野又好～無論幾點搵你你都會出黎陪我又或許之後係因為她吧～
仲記得第一次同你去睇戲係ｏ係你做野果間ａｍｃ，當時你用職員優惠所以我地都唔洗錢，但睇咩戲我真係唔太記得ｌｕ～我承認當時將你當成佢，直至到果次之後．．．每次見到你我都會感到有Ｄ驚，驚你已將佢取代～驚原來我對佢既愛只係得咁小～
所以之後我都會約埋她出黎，兩個女仔一個男仔點都好過一男一女吧～最意想不到ｏ既係你地竟然變成情侶．．．
當時她知我鍾意你，成日都同我講讓愛～我相信你應該都知道Ｅ件事．．．
愛～點可以讓來讓去？
我記得有次同你地係旺角唱Ｋ唱到５點幾，我自己一個坐巴士時一邊喊一邊打ＳＭＳ同她講：你又唔係一份禮物一個波，你係一個有思想ｏ既人哦～你既然揀左她就代表係鍾意她多過我吧！就算她把你讓俾我都唔會代表我地會好好～
跟住以後ｏ既日子都係我地３個人一齊出黎，一時係我同她行在前你在後，一時係你地在前我在後～好多次我係後面跟住你地時，都好想走左去～雖然自己同自己講過一個人唔開心好過三個人一齊唔開心，但望見你地開心我就覺得好苦，覺得自己係多出黎ｏ既一個．．．
有時我都覺得自己好傻～仲記得你地搬出黎住連訂金都無ｏ既時候我就借俾錢她，當真係租左屋我又突燈攞假幫你地添簡單ｏ既家俱同打掃～好似自己搬入去咁～知你鍾愛藍色所以買ｏ既都以藍色為主～有咩人會咁傻？果個未係我囉～
當我越來越覺得接受唔到望見你地開心而我自己一個時，我決定去戀愛～無論我愛ｏ既唔愛ｏ既，都好過自己一個！
當我將你係我心中ｏ既位置推到朋友階段時，我以為我真係做到，曾經我甚至因為一個男友話唔鍾意我同你傾電話，一嬲之下打俾你同你講絕交～可以咁對你，當時我真係以為我對你ｏ既感覺應該只係一時迷戀～～之後我地都有聯絡出黎食飯等，但其實每次我出黎都係呃住男友話同另一個人出街，點解要咁做？我都唔知．．．可能知道佢知之後會唔開心掛，仲知下意識就覺得唔可以講真話～
其實每一次同你出黎我都覺得好開心，唔知係因為你講Ｄ野攪笑丫，定係其他～每一次我都唔想俾你走，但好似每一次都係我叫你走，你唔走我真係唔知我仲可唔可以控制將你只當做朋友Ｅ種關係！
我以為我應該對你無晒任何感覺只當你係普通朋友，所以果次無意中發現你ｏ既近況，諗住咁耐無見你就打俾你約你食飯～係我無聊定係我地都咁無聊呢？傾一個電話成個過程都可以因為Ｄ無聊野係到哈哈大笑～早一星期約你就期待左一個星期，好左前一日有打俾你如果唔係你一定又唔記得約左我，當日１點鐘放工時男友過黎接我，當然今次同你出去都係無同佢講過ｌａ！所以你打黎時我真係嚇左一跳．．．一黎佢係我身邊ｌａ～二黎因為通常都係得我打俾你，你好小會打俾我既～
因為趕入場睇戲，所以就好求其是但搵左間台灣野食飯，其實我真係無心（扇）你嫁～我知你唔鍾意飲太甜ｏ既野，我有叫你唔好同我叫埋一樣既百香果綠茶嫁．．．但你唔聽咋～唔關我事嫁！！食完飯之後就去睇戲～講真．．．唔係你想睇果套戲我一定唔會睇，套戲真係悶到呢～～而且仲要咁貴張飛＝．＝睇完戲周圍行左陣～之後大家決定去飲野！
嗯～係你唔同左定係我無變過？當我揀坐維園時你竟然話唔好，咁既然你唔鍾意就算ｌａ～仲好唔洗我諗ｔｉｍ！！最後你揀左間樓上酒吧～果度應該唔錯掛．．．因為當晚有人攪ｐａｒｔｙ所以我地被迫坐吧台，睇唔到四周環境！估唔到你我都係第一次坐吧台呢～我講笑咁講：喇～你同我ｏ既第一次都俾左大家喇～
果晚其實應該開心但唔知點解我好想好想醉，可能好耐都未放縱過自己，亦可能對你毫無介心ｌａ～因為我知就算我醉左你都會照顧我，至少應該唔會掉底我一個．．．點解次次都係我輸嫁？－．－你都唔知係唔係出算ｏ既～攪到次次我都嘔到死死下．．．
何必主動錫我呢．．．個天何必話我知，原來我Ｅ幾年不斷拍拖不斷搵ｏ既，就係你錫我Ｅ種感覺？我真係唔想去相信呢～所以第朝我ＳＥＮＤ　ＳＭＳ俾你同你講：忘記晒所有事，好似以前咁忘記晒佢，就當發場夢，過喇就醒喇．其實Ｅ句野我唔係想同你講，係想同自己講～從來我同你之間發生ｏ既只不過都係一場夢，就算發生過再多ｏ既事都係虛幻毫不實在，我無理由放任自己發Ｅ個夢吧～但可惜．．．原來我真係傻傻地，可能全世界都會話我咁做唔值，但我控制唔到自己個心，當個心只可以容納你一個時，我又點可以時時刻刻係另一個人身邊？我唔想再呃佢又或者再繼續呃自己～當我係痴又好傻又好癲ｏ既都好，我真係無辦法再係咁落去～當俾自己再任性一次最後一次．．．