１２月３日　　有點冷
今日對我黎講算係一個重要既日子吧～由１０月尾同佢講想分手講到今日終於真係完結～別以為係因為你，其實我只為我自己！當心入面已經無佢立足既位置時繼續拖拉下去都無用吧～ｅ個月對住佢我除左內疚都係得番內疚．．．一個咁愛我既人我唔要，而去想得到一個唔愛我既人既愛～我係幾無聊呢？
岩岩我去睇番你以前到ｅ家ｐｏｓｔ既野，發現自己一直一直都係你生命中既一個過客，毫不亮眼毫不重要，我知我應該要放低，愛情既出現係要雙方付出，只得一個付出一個去行的話，根本就無可能吧．．．其實我真係真係想得到你對我以前說既一句話：我從來都無鍾意你！以前我聽完我可以放得低，繼續做你既好友～我都好相信我ｅ家ｅ刻係應該可以既．．．但你始終都唔肯再對我講ｅ句，係你怕傷我定係想俾一個希望我？
頭先又做多樣好無聊既事，ｄｌ晒你ｐｏｓｔ既歌落黎～想係歌入面了解你當時既心情，分享你既感受．因為ｅｄ心情感受你永遠都唔會俾機會我去了解～你唔會因為我咁無聊而唔去ｐｏｓｔ歌既係嘛？我只不過係一個小人物，一個毫無位置重量既過客而矣．．．
係劇場版中有一句好深入我心～ｅ家既我只係想係你身後面默默咁對你好．．．我唔再求得到你ｄ咩，只要你唔好避開我唔理我．．．本來仲想打埋最後既一句讀白出黎，但打左出黎既感覺就好似迫你要做ｄ咩咁．．．算喇～我講過唔再去迫你做任何事，你想避就避開我吧．．．每朝為你報導天氣，你肯睇肯有反應其實果日我應該好開心～希望每日我都可以咁開心．．．希望聽日係你一直想要既新開始～