１２月１１日　好熱同脆弱既一日

琴日既開心帶到今朝～本以為今日會成日都開開心心的，但一早見你個訊息就開始有點失落．．．開始又再亂諗：係到諗果日究竟發生咩事呢？你果日同邊個一齊呢？你諗緊咩呢？點解咁執著果日既，係為左咩呢？好多好多既問題～

失落過後再加上刺激，我變得更脆弱．．．其實我知嫁～我知你係講笑嫁～果一刻我雖然對你仲係好輕鬆咁講笑，但其實當時你每一句說話都令我片體鱗傷，你知嘛？你講過你唔會再講大話～所以你講咩我都會信（你知我不嬲都好易呃好易哄）當你講你話講下咋既時候，我好亂．．．我唔知我應該信你頭先一路一路講想識佢果ｄ丫，定係你ｅ家ｅ句！我知我最後對你講果句有點過份，但無可否認你最叻就係傷害我．．．或者應該公平ｄ講，我太在乎你講既每一句說話吧！