１２月８日　朝早熱到死夜晚凍到死

今日番半ｄａｙ～原因係去左睇醫生！臨放工前．．．我真係係ｍｓｎ見到你震我嫁＝．＝但你話無就無ｌａ～一時口快對你講一陣去睇醫生，你表現出關心的既模樣令我好窩心，我當然知道你係基於朋友立場關心我ｌａ～但ｅｄ文字由你手中打出黎，比起其他人既始終覺得唔同～係ｍｓｎ對你講希望你祝我好運，當你講完之後我覺得心情無咁沉重！雖然係一句普通既祝福，但對我黎講支持好大～政府醫院呃人錢嫁＝．＝
已經知道係咩事遇約左諗住今日攪掂去，然後等報告出黎睇下咩情況家嘛！點知俾完＄１００之後睇左一睇３個字唔夠，叫我再約時間下次先做檢驗加睇報告＝．＝妖～又要我請假．．．其實醫生都話多數唔會有事，但係都要我做多個檢查．．．佢話咁會安心ｄ喎～睇完醫生番屋企，遊左陣巴士河～一路上都好想你會打電話俾我，到最後當然係．．．無ｌａ！有點失望，但自己都遇左你唔會打俾我，所以唔太傷心～

番到屋企．．．有位朋友好傷心喊住打俾我，安慰左佢一陣～然後陪佢落銅鑼灣食飯飲野，佢既情況我覺得真係幾慘的．．．鍾意既男仔明明都鍾意自己，但始終執著以前既女友～個男仔明知朋友鍾意佢，但仲係事無大小不停係朋友面前講佢點追前女友．．．佢真係差勁到無人能及！！若對人無感情點解係都要拖拉唔放手呢？成日都主動搵人，但又要做ｄ傷人心既事～一ｄ都唔理會他人感受～同節磨人無任何分別！見佢咁唔開心連我埋藏心底既唔開心都如浪拍過來，既然朋友想買醉，我唯有捨命陪君子ｌａ～食完飯，原本諗住過灣仔碼頭的，但最後覺得有點遠，所以就近去左維園～

一邊飲野一邊講心事，好似好耐都無咁做過，以前我總係做俾你地安慰既角色，點知今日竟然係我做開解人既角色．．．那位朋友雖然初相識，但已經好交心～最衰都係佢，講講下燒埋我果份，攪到我都跟佢一齊喊左出黎！鍾意一個唔鍾意自己既人果種苦，真係好難去形容～有時佢會好羨慕我，但我唔覺得我既情況有咩可以令佢羨慕．．．反而我會羨慕佢成日都會收到對方打黎既電話（雖然每次打俾佢最後都會令佢唔開心）～一通電話係一件幾易既事呢！但我好似仲未有幸得到一個由你主動打俾我既電話．．．ａｒ～今日有個新發現，原來７仔有隻菠蘿味既服特加幾好味嫁～～甜甜的又唔太甜，好易入口！哈～～我諗ｅ排應該日日都要出去陪佢飲飲野，開解開解一下佢喇．．．