１２月６日　　香港好暖既一日你離開既第二日

今日前度原本約我出黎食飯同俾番ｄ野我～但最後我都係放左佢飛機，我真係唔太想見到佢呢．．．分手我已經講得好清楚亦已經搬番去自己屋企喇，大局已定點解仲要死纏住我？每次見到佢我都覺得好辛苦，辛苦在於每次都要扮作狠心絕情既角色～去令佢死心！唔明我點解做成咁，佢都係唔肯認清我已變心既事實！是否我做得仲未夠絕呢？好累好累．．．

但唔去同佢食飯既原因除左Ｅ個理由之外，係因為她約我出去陪她ＳＨＯＰＰＩＮＧ～行到大約８點半左右大家都覺得行到有Ｄ累，諗住搵地方坐坐時經過琴晚間ＮＥＷＡＹ＝．＝最後我地又決定唱Ｋ！天～係我地最瘋狂既日子中都未試過連續兩日唱Ｋ呢（最多一星期兩次吧－．－”哈）兩個人唱Ｋ既日子好耐沒發生係我地身上了～唱一陣傾一陣，時間又好快到１２點又係時候番屋企ＬＵ～

今日傾左好多事～Ｅ家發生緊未解決既，回想以前既，你既我既他既她既．．．她覺得你應該變左好多，好奇問我係唔係～我當時無答她，因為我覺得我答既唔代表係真既！其他人眼中既你，可能覺得你外表唔同左好多，言談間亦同以前有所分別．．．但係我心目中你同以前都係一樣吧～將所有心事同對現實既不滿，深深埋藏於心底，唔會講俾任何既人知（或許有但果個唔係我吧）無論當你哄人笑得好開心自己都笑得好開心時，但那笑意永遠都未真正係你眼中笑出黎～由剛識你開始，就覺得你眼裡藏住好多既唔開心，好多既心事！（但願其實我係睇錯既）不過我知道有一段時間你係真正開心過，雖然現時黎講果種開心暫時離開左你～但係我相信，果種開心既感覺遲早有一日會番黎搵你！信我丫一定會嫁！！

另外～名分嘛？只係一個虛名而矣～記得之前偷偷同你出黎吃喝玩樂時，總笑稱大家一個係情夫一個係情婦，果時既我從來唔覺得女朋友這位置對我黎講有咩意義，有幾重要！而Ｅ家點解自己要咁執著Ｅ個位置呢？係因為自己認清左對你既感覺而出現Ｅ個問題嗎？但無論點我都唔可以迫你將Ｅ個位俾我吧－．－”

她講我因為執著此位置，所以先放唔低你對我有咩感覺Ｅ個問題～其實所有事都係自己攞苦黎辛，我應該放過自己同放過你，用時間黎講俾我地知最後會點吧～此時你既離開真係合時呢！！打唔到電話俾你又打擾唔到你，可以俾我一個好大既空間，去努力看清對我黎講係一個大問題，而對他人黎講係一個自找既麻煩～

每日都望住自己個訊息，提醒住自己放開先得到所有！但每次見到她，我總會將心中果個疑問對她講多次～平静後諗番，就會發現執著仲係到．．．唉～我真係無用呢！但決定放下執著都係岩岩開始兩日姐，你番黎時我應該已經做得到嫁喇（又開始自我吹眠－．－）上次你一忙就差不多接近大半年，我諗今次應該都差不多時間吧．．．

今晚係路上得知陳可辛有新片係北京開拍呢～唔知幾時有得睇呢？有華仔、李連杰、金城武做主角呢～我諗一定會好好睇嫁姐！！