１２月１３日　下雨天好凍丫

今日除左向你報導天氣之外，就無再搵你ｌｕ～我諗我唔搵你，你都唔會太在乎吧！今日其實周不時都想搵你，但總係忍住唔搵，一搵喇自己就會唔想放低，而且更加沉淪落去～最後就會攪到大家都好唔知點．．．況且未發現仲鍾意你果時既自己，都唔會成日搵你，約你或者要求你做咩既～大家唔搵大家幾個月或者成年，都係家常便飯既事！現在只係返回原位～

ｌｕｎｃｈ時落好大雨，見到你個訊息就想笑！你ａｒ～唔好咁懶ｌａ！出門口見到個天咁黑就知會落雨ｌａ，成日都咁懶唔拎遮．．．喇～係唔係呢，一想落街買野食就落大雨！唔帶遮抵你死ａｒ～不過我相信一定會有人借俾你，又或者好似上次咁，走黎遮你走既～有時真係想問．．．你每日會唔會真係睇過，我為你報導天氣既ｍｓｎ呢？不過我相信自己應該唔會再問ｄ咁既野．．．問左都只係多一個失望，唔問起碼唔知個問答係好定壞～～

今日總叫開心咁過左～開心在於今日無咩唔開心既事發生，而且夜晚我又同朋友去左唱ｋ（今次已經係我今個月第３次唱ｋ＝．＝ｖ）我相信果間ｎｅｗａｙ　ｄ人都就快認得我，哈～今日唱左好多歌，不過唔知點解點極，都好似係你鍾意既歌＝．＝”眼訓喇．．．唔寫ｌｕ～祝你同我今晚都有個好夢！！