１２月１２日　開始又有點凍

一整日心情都係灰灰的～唔知點解今日自己竟然係到不斷同自己講：不如手放開ｌａ～朋友同同事見我唔開心既樣時，都不斷問我發生咩事做咩唔開心～朋友好擔心咁問我，係唔係你又唔知講左咩！但你其實咩都無講過，都係同平時一樣說說無聊話，點解呢．．．點解無論我點發你脾氣～點無理取鬧，你都可以唔嬲無反應？係唔係我無論做ｄ咩對你都係ｄ無關痛癢既事？如果係咁其實我都算係一個無關痛癢既人吧～

若果係咁，其實我即係點對你好～點鍾意你～點愛你～都係我一個人既獨腳戲吧～短短既個幾月．．．我竟然會覺得累．累唔係在於我做咩都得唔到你歡心～而係你對我既影響太大，你一句說話可以令我由開心變得想喊，唔需要突燈做ｄ咩就可以令我片體鱗傷，我知你無要求過我要去鍾意你愛你，係我自己鍾個頭埋去．．．無心之言最傷人吧～你唔會狠狠咁去傷我，但往往我都會為左你一兩說話就傷心情欲絕．．．

係我將太多既感情放左落去吧～我都唔知點解自己可以咁，係我一開始識你已經鍾意你丫？定係對你只係一時迷戀？如果後者我諗我終有一日會醒過來吧～我真係好希望我唔係真心鍾意你．．．與其我辛苦時又煩到你，我決定放手喇！雖然ｅ句我講過好多次，連朋友都睇死我放唔低仲會執著落去～但我今次真係真係想放低喇～一直以黎我唔知你有無睇過我ｐｏｓｔ既野．．．不過以你為人就算睇過都唔會講我知你睇過～我成日都會估你點諗，但無論我點估我都估唔中～你將自己收得太密，而我又太唔夠聰明！放開對大家都好吧～

有一個唔愛既人愛自己，果種愛係一種負擔！而去愛一個唔愛自己既人，果種愛係一種執著～愛情只得一個人行始終唔會有好結果！愛～爭取唔黎，死手唔放都無用！做你損友比起我ｅ家ｅ個角色好得多～舒服得多～得到得多～現實中既愛情點都唔會同電影一樣．．．戀愛初歌入面亞奇最後可以得到ｋｒｉｓｔｙ既愛～但現實點會可以咁完美丫？

～．～．～．～．～．～．～．～．～．～．～．～．～．～．～．～．

很冷靜　知道我愛的　定把我當佈景
平凡像我這一種　今天要認了命
才能學會不貪心　碰不到戀愛　也毫無反應
單戀相戀失戀　說穿了盡是陷阱
放手　得我有這本領

～ｅ刻我最需要就係有ｅ項本領．．．