你知嘛~
我好鍾意同你出街~
因為同你一齊感覺好自在好開心
雖然你總好似滿懷心事
但係就成日都講d無謂野引我大笑......

有件事我地剛相識個陣都做過
但你好似無咩印象,已經唔記得左lu~
令我有d失落,
雖然唔係d咩大不了的事
我以為你會記得嫁
但你竟然... 唉...
果刻真係想打爆你個死人頭=.=
激死我喇真係......

番屋企果陣其實我好唔開心
總有d俾人拋棄的感覺
因為果刻你好似放下心頭大石, 可以鬆番口氣咁
我真係一個令你覺得麻煩的人咩
如果係點解你又要應約出黎喎
但最令我唔開心係因為我突然發現
原來你一直住係我心深處
果度我以為已經應該係無人嫁喇......

再講d小秘密你知~

第一刀刻的係你的名字唔係他的......

有一次我等你出黎
等到覺得有d凍
打俾你叫你拎件外套借我
到最後我無還到, 據為己有左......

為左一個其實唔太鍾意的男仔同我講
佢其實放唔低以前的果個
係你面前強迫自己喊出黎等你來安慰我......

你同她拍拖
她知道我鍾意你,向我提出過讓愛
但我好清楚決定權係你到
你揀左邊個已經好明顯了
而且我當時總覺得你有佢的影子
所以好鍾意約你出黎玩
就算你唔揀我應該問題不大
但係當你地真係拍拖喇
三個人出黎的時候
我見到你地個心會不停痛,會好唔開心
覺得自己好似多餘的
自己以為係眼紅你地
但依家覺得原因可能唔止係咁......

我知道我依家就算同你講幾多幾多
都唔會改變到d咩
因為你有一個深深記掛的人
記掛到行過你地一齊食過野的地方都開心到笑出黎的人
而我都有一個痛惜我的人
其實對你講咁多我只不過係想問你一聲
我係你心目中係咩位置?
你當我係咩ar?
有定無,重要唔重要
甚至乎係某個人的代替物都好!
你可以回答我嘛?
唔好每次我問d你唔想答的問題都帶我遊花園咁狡猾la
我真係好想你認認真真咁答我......
希望有一日你會答我e個問題~