今日都係上大陸～８點９向上水等老細架車一齊上去～～全程都冇咩同佢講野呀，我對住佢會好區緊，好緊張囉～～

返到公司都好忙呀～始終ｄ文件，好多野唔係身邊，唔就手，做起上黎就好慢！到１１點ｓｅｎｄ個ｍａｉｌ問老細我聽日要唔要上黎，佢話唔駛！好野～～可以放假！！

跟住見到你上ｍｓｎ，話ｅ個好消息比你聽，咁你問我收工搵唔搵你．．．我都想架，因為你成個復活節都要開工，陪唔到我呢～難得你今日休息，都想見你架．．．咁我地約左九龍塘會合～

今日收工返羅湖既車程都好順，冇塞車，如期６點半到九龍塘～你接左我就出旺角行下啦～～唔知呢，因為ｅ幾日心情唔多好，見到你都仲係有ｄ唔開心，其實都知道你好努力去氹我，但我總是悶悶不樂，攪到你都唔知如何是好咁～

我個袋好重呀～都冇咩心機行街喇，坐小巴返過去ＡＰＭ行個轉，因為要去萬寧買Ｄ野，上便去埋滿記買糖水今晚夜Ｄ食，再去超市買蘋果，皆因我係生果怪．．．買完就走喇，我個膀頭就黎痛屎咯～

返到屋企，你白Ｂ先，我覆埋Ｄ急既ＥＭＡＩＬ先食飯．．．食完飯，你話不如同我落去公園散步～好難得喎．．．我就緊係ＬＥＲ飯應～你睇完太極，我地就落去喇，散下步，又去左公園玩，玩左個我細個好鐘意玩既小玩意，你又玩埋一份，但因為你太大件頭，玩到好異想，最後仲碌埋落地，笑死左我～

到１０點幾就返屋企啦～～食完糖水，我去白白，你打下機，之後又同你玩自由博擊，好攪笑，玩到我起晒痰，笑死～～玩到咁上下，你又餓喇～你去煎雞翼食，原本我話唔食，但見到好似好香口咁，忍唔住食左兩隻，好味～

食完要覺覺喇，好攰呀！