今天公司唔係太忙．．．我仲未開始ｐａｃｋ野，一黎唔想執住，二黎ｄ野要用，太早執都唔得．．．唔知香港安排左個位比我未呢～返番香港ｅ個決定，唔知係岩係錯．．．唉～見步行步啦！希望我冇決定錯！

如常收工返到屋企，同你開眼仔，見你目冇表情，又好忙咁，問你又話好小事，可能屋企野唔想同我講太多，但最後你都講左，原來你媽媽高血壓入左醫院，見你成晚都坐立不安，好擔心似的．．．你都講：冇事既！咁就唔好太擔心啦．．．唉～我都幫唔到你，只可以陪住你！

唔知呢．．．其實自從上個星期同你嘈完後，個心都仲係好唔舒服，有條刺咁．．．不過，你咁多野煩，我都唔想再為你加添煩惱喇！唉～點解我咁唔舒服？因為你上星期六講既野，你既言行跟平時好唔同，係我第一次見～講真，我真係唔識點反應，當時，我都唔敢直望你，只有呆呆的望住遠處，你的一字一句恨恨地打進我的心窩，很痛，你的想法真的嚇怕了我，我嘗試跟你說不要有這樣極端的想法，但你不聽，還說你冇得選擇，只能對我說對不起．．．點解會冇得選擇呢？當時，我會想：點解你咁忍心選擇放低我？ｅ個世界係不公平，可能亦好似你所想冇公義，但就因為咁樣，而要放低你手上原來擁有的一切？點解唔去面對，唔用另一方法去解決？那時，我已經絕望喇，都唔知可以再講ｄ咩．．．

到星期日，我都唔想留在家裡，唔想屋企人見到我如此唔開心既樣子，怕佢地擔心．．．自已一個人走在街上，突然發現自己原來是沒有什麼目標的，又或者說，原來的目標已經破滅了，在巴士上，在街上，都不自控的哭了好幾次，但我唔想人家看到我這樣子，快快的躲進洗水間，待平復了才出來．．．唉～在其他人眼中，其實沒有什麼大不了，而事實上也是，但發生在自己身上，就不知道如何去面對，路還是要走，但就只能默然一身的上路，少了原來拖著自己的那個人，多孤單．．．

之後都有跟你通電話，你的態度有點軟化，不會好似昨天的極端，亦應承了我一些事情．．．但我地唔知再可以一齊幾耐？會唔會又再嘈？會唔會又因為另一些事情，你會選擇捨我而去？