朝早同阿爸阿媽飲早茶，ｅ排可能成日食豐富既早餐，好似肥左２ｋｇ，再係咁，唔得架啦，所以飲茶都唔係食左好多野，要節制下．．．

食完茶，行陣吉之島，１１點半就出旺角啦．．．

其實都唔係太開心，諗緊你都可能仲嬲緊，未必會打比我，都預左自己行街街．．．點知，你都有打比我，你當冇事發生，我就仲係唔太開心，你點了我講野，我都冇咩心機應你．．．

你大概一點出到黎，陪我行下街．．．又同你睇下電話！２點半就去左銀龍食ｌｕｎｃｈ，我冇野呀！因為你話今晚去打冷，ｓｏ我都係留番ｄ†ｑｕｏｔａ今晚大食一餐，哈哈！

行到３點半，都見冇咩行ｌｕ，返你屋企抖陣，外面好熱呀！我地７點半再出動．．．出左去旺角樂園打冷，咁大個人，我第一次打冷咋，都幾好食呀．．．有大眼雞，魯水拼盤，蜆，鵝片，西芹少蟮球，當然唔少得一碗潮州粥啦．．．食得好盡興，好開心～食到９點賣單走人，盛惠＄３１５，都幾貴呀～

之後我地落左去尖咀，坐車期間同你打下機，吹下水，又係好開心．．．到左尖咀，行下海皮，影下相相．．．我地落番去油麻地．．．行廟街呢．．．你仲買左一件玩具比自己．．．之後我地去左食糖水，好好味．．．

都１１點ｌｕ，我又係時候返屋企ｌｕ，你送我去旺角搭車，好唔捨得你呢．．．嗚．．．唔知幾時先可以成日有你向我身邊．．．嗚嗚嗚～～～