最近好忙呢，忙到個人都傻下傻下，得番半條人命咁，今次真係將之前既得閒一炮過還番晒比公司之餘仲要嘔突，唉～～

ｅ＋會做到唔想返工，返工就望收工，但ｄ野又做唔晒，好多時又睇漏眼，攪到自己好似好冇用咁，好失落好大壓力呢～所以一到星期五收工，我都同自己洗腦，盡可以都唔想諗公司野，再係咁，真係癲！

有人同我講，既然都同公司提出呈辭，就堅定ｄ唔好做，因為公司都知道晒我既底牌，我提出既所謂條件，到ｅ＋又未對現，可能都係公司拖住我．．．唉～～我都好想知究竟公司ｅ＋係咩心態，我從其他同事口中得知既訊息都攪到我成舊雲咁，我會覺得，比唔到我所提出既條件唔緊要，好好醜醜都講句，最多未唔做，橫樹公司又要ｃｕｔ人，我未幫你一把又點話，真係唔好浪費我時間呀～又要浪費你為我營造既一切，何必呢，我只要既係你既一句說話，就係咁簡單～

有時真係覺得做得好辛苦，同事問我究竟忙咩，我又答唔出，但就真係好多鎖碎事要處理，每件都唔順利，半路中唔上唔落都唔知點算．．．同事又話，其實我好幸福架喇，其他組仲煩仲大壓力呀！！我都知，咁唔通我真係有問題？唔識去點取個平衡？？

你又話：如果一個人睇唔到生命美好既一面，生同死其實係好接近～其實你係未話緊我成日怨天怨地呢？我都唔知點講好，我明白我既問題對你／其他人黎講真係小巫見大巫～嗚．．．咁點喎，我真係唔開心，唔係成日怨架．．．