今日同媽咪飲完茶，就出去啦．．．

同你去左旺角＜和井＞食左頓豐富既日式燒板燒，好好食，好開心．．．

食完周圍行下，就返屋企附近街市買餸喇．．．今晚煮雞翼，同滾節瓜湯．．．，

夜晚同你因為一Ｄ意見，鬧到好唔愉快，差唔多鬧到分手邊緣，好唔開心．．．因為，你唔明白我既擔心，還說我"本是同林鳥"，我都唔係ＥＤ人，要走，都唔會同你一齊兩年！兩年時間話長唔長，話短唔短，尤其對我黎講！我對你自問每事都是真心付出的！歸根夠底，你又知唔知我點解老是說著你不喜歡聽既話？因為我怕，我對自己冇信心，我怕再輸！今次我再輸，我唔知再可唔可以爬得番起身！

點都好，我淨係想你知，我每做一件事，都係從你咁邊出發，我既擔心，亦係因為你．．．如果我唔在意你，我大可時時刻刻都去玩，唔理你，唔需要成日都憂心沖沖．．．可能你會覺得係我自己攞黎憂心，我根本唔需要擔心你．．．我唔知點講好喇．．．雖然宜家我地冇事喇．．．但，我比以前更加擔心．．．希望不過係我俑人自擾啦！