上班只需要專注工作範圍內嘅知識，因為其他嘅嘢唔會有人問你、考你，重要計分。

上班人士只要老闆唔喺視線範圍壓力就可以大大降低。但係學生返課有測驗、考試，放學後有家課、補習，放假一樣有習作，平時要讀報、睇課外書，重要係要讀中外名著……。基本上學生係無休息時間同放鬆時間，因為唔知自己會唔會睇少咗啲會畀人考嘅嘢，心理壓力主要來源係試卷上嘅分數。

上班人仕有啲嘢唔記得咗，大可以馬上手機上網搵答案，學生做同樣嘅事就係作弊。

分數喺今時今日嘅香港依然好重要。舉個例子︰小學畢業同特殊學校畢業嘅黎見工你請邊個？中學畢業同大學畢業嘅黎見工你請邊個？港大畢業同領大畢業嘅黎見工你請邊個？依類問題經常聽到出自家長把口，用黎叫子女畀心機讀書，可見家長對子女分數重視情度去到邊個位置。

其實香港現時雖然落後美英求職面試唔著重成績，只著重對談表現嘅文化，但係都已經見到唔少機構無因為求職者係大學畢業就招請，反見唔少求職失敗者。

引用︰http://boardreader.com/thread/_1n2gkXb0key.html (原文位置已被移除)

「我第一個問題： 請你用三兩分鐘簡單介紹下自己。」而對方竟然答：「 其實我嘅資料呢……已經寫晒響我份CV度。」我都笑笑口咁答：「 哦……唔該晒，你可以走喇，有消息會通知你。」

這位求職的大學生竟然還不知原因，問他：「 你其實有冇睇我嘅資料？」他回應：「小朋友， 我呢條問題嘅真正目的係睇下你嘅談吐同埋表達能力， 你下次去見工時記住喇！」 



學生如果花時間學課外知識(包括人際關係)，課內成績就會相對下降，投資時間相約，只會周身刀，無張利 。正正因為無足夠時間畀學生學足需要用到嘅知識，分數同工作要求又唔相同，學生就必順同一時間學兩種(課內及工作)知識，所以壓力只有不斷加大，直到放底書本包袱畢業為止。