由於花左好多時間搵相.

真係搵死人,差d想喊...

好彩~皇天不負有心人

俾我搵到10幾張

仲要有一張竟然同我契爺有關...c_c

不過d相係人地個網站借泥做

希望唔好告我啦

P.S 相下面既解釋,係我自己既記憶,冇抄人的...(因為人地個Blog根本冇解釋...)

上面依張,係人地個Blog搵番泥既.佢地第6座影出去.仲影到我以前間小學.

依張就係屋邨既單車鋪,有兩間,痴埋一齊的

依張就係金燕冰室...當然唔係度

明豐大飯店既吊燈

明豐大飯店既招牌...

某中醫館(唔記得左啦..我唔睇中醫)

第4座樓下一間雜貨鋪,(有煙賣架,留意左手面角位)

第一座樓下一間叫意大利既快餐店既收銀機

有冇見過依d理髮店既椅子呢?!(我有坐過,你地呢?!)

唔講你地唔知.果時鋪頭既牌要有相架

細個既時候,好多街坊都係用依隻電視...好懷念呢!!(我屋企都有用過)

我地學校出面既一間文具店.個老闆係我同學(學弟)既爺爺呢...[第7座地下]

以前細個好鐘意係走廊玩,踩單車啦,波都照踢(邊會有人話,哈哈)

好多公公婆婆用依d小椅子坐係走廊度吹水,抖涼.(好重架..唔知係咩木做)

最後一張喇,同我契爺有少少關係.仲記得我契爺係第一座委員會主席嘛?

依個就係委員會個標誌喇?似隻西牛多過一隻牛...