新年就會令我諗起細個.

因為會去契婆屋企拜年.

而且我好鐘意去玩.

因為新年多利是逗之外.

仲可以玩到不同既玩意.

煙花,龍吐珠,火柴炮,擦地炮,砂炮...etc

當然,就係一家人開開心心咁食團年飯.

當然,我會講出三個特別既新年.

首先,第一個特別.就係新衫都爛左...

果日,我照常跟契媽去拜年,但係想食糖.

就一個人去左一間士多買糖.

買完途經一群小朋友(差唔多年齡)玩緊d煙花,龍吐珠,火柴炮,擦地炮,砂炮...etc

突然,我都唔知咩事,我件衫頂帽有嘭一聲傳出,

於是急步跑回契婆家,

舅父們發現我出煙,

原來有其中一個出名頑皮既小朋友將火柴炮拋左入我頂帽度...

燒穿左...

後來大人陪我去理論,

而該小朋友既父母當場該名小朋友,

由於新年關係,大人們當叫佢道歉便算了...(緊係賠錢最好啦...)

新年新衫都爛,仲要睇到人開年,認真特別...

第2個要講既新年,都幾特別...因為關於食...

如果大定都留意我個Blog,就會知我好鐘意食糖...

咁呢,我契表哥(偉仔)有一年新年

去左士多買糖俾我食...

奇怪了,食完點解會身痕...

原來...偉仔買左好多整蠱人既糖...

(不過依d野唔知點解淨係新年先有得賣)

過左一個身痕既新年,哈哈.

最後一個新年就係幫契婆賣花...

係差唔多15,6年前

契婆同舅父們都會種水仙,桔,桃花...etc係年宵賣.

我仲記待得果年花市好多人行,

仲要LAST一晚(年30晚)

我地個攤位都開始減價.

我坐係D花面前(唔記得咩花了...)10蚊3支

有個女仔買左6支.

於是好開心咁同契婆講.

契婆竟然叫我果$20自己袋呢...

好開心

可能第一次sell到野掛,哈哈.

由於太薄利,所以契婆一家都冇種了.

每次諗起細個有得玩煙花,龍吐珠,火柴炮,擦地炮,砂炮...etc

都會覺得而家節日氣氛大不如前...

或者,往事只能回味...