如果要講番童年

要交代下家庭關係先會令大家易明

當然提合既時候就會講講...

細個...當我有記憶既時候

我已經發現住係九龍灣既一條屋邨入面

依條屋村就係---牛頭角下邨(第一區)

(交代少少野...以前冇分一區同二區,大約96年話要重建先分既)

但係我唔係住係自己屋企,而係人地屋企

果個屋企就係我契媽同契爺...

當然,我契哥同契姐已經當我親生細佬一樣.

而且,我更發現仲有一個契哥---呀榮

佢都同我一樣,俾契媽湊既.

但係我一年班(佢六年班)就番自己屋企了...

仲有一個契細路,同契妹

基仔同劉家寶...

基仔係牛頭角街市某魚檔老闆個仔..

而劉家寶就係契家姐同事---珍姨---個女

基仔細我一年,家寶就細我3年...

(順帶一提,劉玉翡係劉家寶個姑姐)

當然,而家只係稍作介紹...

未講之前,再講埋我住既屋邨啦.

佢既位置就係而家九龍灣地鐵站...出面塊地

但係仲有冇人記得

以前有4座樓係度呢...?(其實係7座既...不過2同3,4同5,6同7連埋,只有第1座係獨立)

又仲有冇人記得~籃球場之前係咩呢?(番意下文就會知了)

當我有記憶既時候

我已經係幼稚園...我仲記得我間幼稚園係下邨11座

叫做使徒信心會幼稚園(即係而家英皇幼稚園既現址...)

我仲記得,我沖涼好鐘意用BB盆...因為體型太細

可以坐入去呢.

係我幼稚園時候,屋企仲未用沐浴露,仲係用番皂

我沖涼當然都係一樣啦.

有一日放學,番屋企沖涼

契爺,俾我一個人自己玩水俾埋個番皂我(我當時唔知番皂唔食得)

天真咁問食唔食得...

契爺答我...食得.....

我一大淡咬落去...好鬼苦呀!!

契爺:食得...至奇呀!!

係我記憶入面第一次俾人玩.

每日放學,契媽都會帶我去大排檔食野

而最常食(指定)就叫潮馨園...

(大排檔既位置就係九龍灣地鐵站對開個球場)

而我細個食量唔似而家既我

食少少野就會飽.

所以唔係食三文冶就係食多士.

當然會飲汽水...第一樣識既野就係可樂...

仲有就係食糖...

放學,會由第11座,行去大排檔食野,會途經8~10座

係第8座度有間士多,有好多糖賣,而且仲會有外國貨.

(仲記得有隻叫熊仔糖,6角型樽,粒粒都係熊仔,樂天的,不過而家冇左了)

我都會"扭計"買糖食

最鐘意緊係朱古力啦,但係白朱古力啵.因為甜嘛!

次選係...白兔糖同蜜蜂糖....

若然,契媽心情好就可以買果汁糖(再見螢火蟲果隻呢...四洲代理果隻呢...)

而我知道有依隻糖就係睇左再現螢火蟲...

(再現螢火蟲...係第一套睇到我喊既卡通,依套卡通令當時只有3~4歲既我,明白咩叫感動....而且明白到生同死只係一線之間.)

咁岩睇完再見螢火蟲之後第2日,我又扭計要糖.

於是契媽買左果汁糖俾我.

我一日唔洗就食晒(所以話我係糖精...3~4歲既我可以食到一盒糖...)

(順帶一提,當時係冇朱古力味,後期先加)

果晚食完...就模仿入面情節...將空罐入水飲,試下係唔係有甜味...

點知...冇味@@(第一次俾戲呃,亦明白謝同現實係兩回事..)

由當時扭計食糖,到而家...日日食糖

糖已經係我不可缺少既一部份.哈哈^^