我終於都返黎喇...去完5日既感覺係...一個字...累...累唔單止係個人累,係個心都好累...

本來都唔想打呢篇野出黎...但係我都係忍唔住,好想講晒出黎...我諗咁樣係會舒服好多...去台灣既呢幾日,我一直都想返香港,除左我好掛住我d朋友,屋企o個d,更重要既係...我第一日已經發覺...我係唔可以同呢個朋友去旅行...係真係唔可以...相見好,同住難,係真既...

第一日已經feel到我呢幾日台灣之旅唔會好愉快,佢既態度差之餘,成日對我呼喝,仲要樣樣都同我拗,而拗既野...仲要係完全唔重要既...我知佢性格比我好勝,比我強,所以d人一早都同左我講,去旅行一定有問題發生,要忍讓,結果...我真係做到左...我足足忍左5日(真係我既極限黎)...

曾經有諗過即刻返香港,又有諗過不如o係民宿自己玩i phone算,因為我真係同唔到佢一齊出街,我唔鐘意永遠跟住人尾,不停行得好快...我本身已經係行得快既人,佢比我仲快...快到好似樣樣都好急,好趕咁...永遠同佢行都隔幾個人既身位,好似一個人自己行咁,過馬路大把時間,但係都要跑...我本身拎左d厚少少既衫去,本身已經熱,仲要成日行得好急,好快,好趕,熱上加熱,成個人都係汗,好唔舒服...勁憎呢種感覺...如果你話我地真係好急都話,但事實唔係囉...好似第二日咁,去青桐,去平溪,去九份,去十分,人地個個用一日時間,但係我地就9點幾10點出門口,3點幾4點已經去完晒4個地方,真係好癲囉...全部都係走馬看花,相都影得唔多,我一影相,佢又叫我搭車,明明係大把時間,又唔比我做呢樣做o個樣,差d天燈都唔比我放...(佢唔比我放既話,我真係同佢嘈,我去台灣都係最想放天燈咋)我連打個電話比台灣朋友,講左一,兩句,佢都叫我快d走...大佬丫...有無必要咁急嗎???

本身我叫佢比一日時間我,陪我搵我個台灣朋友,佢唔肯,咁都算...之後呢...但又要我陪佢搵佢d台灣朋友wo,之前本身佢話約好左成班人食飯,最後比人放晒飛機,無人提到,最後都係join左佢兩個小學同學,行左兩晚夜市...不過好彩多得佢既o個兩位朋友,個旅行氣氛先好番d,如果叫我對住佢5日,我真係想死...忍忍忍...忍左5日,有幾次我都忍唔住駁番佢,因為我真係忍得好辛苦,第三日...我連去hello kitty餐廳拎住樣hello kitty野影相,佢都鬧我...佢話:"仲咩你成日影相都要拎住野???",我問番佢:"點解影相唔可以拎住野呢???",我唔明囉,呢個係我既個人喜好,我總係覺得拎住野影我會笑得自然d,有安全感d,咁都要理???會唔會真係專制左d丫???我係你朋友,唔係你男朋友,唔係你老公丫...就算我阿媽都管唔到我啦,係咪丫???

之後坐車要一定坐出面,訓一定要訓唔近牆,呢d都ok...雖然我都唔鐘意,但係我都ok既...佢仲要講到由細到大都係咁唔鐘意等等好多原因,好啦...但係來回機佢又要坐窗邊,我真係問左佢一句:"你唔係最憎坐入面家咩???",佢都唔好意思再答我...最好笑既係...佢成晚嗌凍,我嗌熱,我叫佢訓入面,因為入面好熱,但佢死都要訓出面,但出面係凍d...其實點解大家都要咁辛苦呢???你凍我又熱,交換唔係好d ma???最後...我晚晚都訓到成身汗...

有一日去九份,等車時我入左車站間野睇野,間野門口正正係車站黎,我行左入去幾步o者,佢即好大聲黑面+呼喝我出黎話:"mancy...有車喇",但係架車仲有大把人排緊隊,門都未開o個隻,我行番出去,佢怒啤我...

之後第4日去左永康街食牛肉麵,不得不提既係...真係好好食...不過有少少辣,不過都叫頂得住,之後搵路o個時,佢又係行勁快...行到我成身汗再食麵,感覺真係...難以形容...食完麵行左個round又走人...之後佢又買左野,又話要拎返民宿先,佢日日就係咁,買完野話好重,要放低...於是日日就係哂呢d時間來回又來回...d人都成日見到我online問我仲咩去台灣成日可以玩i phone...真係想死...去旅行買野係預左拎,預左累,唔累得,唔拎得真係唔好學人去旅行囉...最後一日,因為落住雨,周圍都濕,又拎住遮同行李,我地就放低左先,之後我話仲有咁多時間,成8點幾機,不如行下先...之後佢望見新光三越話遠,叫我自己去,但係其實見都見到,好近既o者...之後呢...我地就o係台北車站影相hea下,hea到3點幾先走人去機場,去到又食下野咁,之後勁早就搞晒d野,之後去左hello kitty候機室影相,之後就返香港...我既5日旅行咁就算左...shit...

講真...呢d野我真係唔介意,我介意既係...仲咩你個人可以咁樣...呢5日旅行,可以講係無日開心,除左叫做去左台灣之外,我真係咩都唔知做左d咩...勁炆,勁嬲...上次我去完泰國返黎開心成個月,但今次一返黎我就想喊...已經太多野,多到都唔知由邊度講起...

anyway...都叫做去過下台灣,不過我會再去,不過一定唔係同佢去,下次我要去搵阿銦,要去玩陽光與海灘,我要一個舒服而輕鬆既台灣之旅...等我丫...