由細到大都覺得...TOUGH...呢個字...係完全屬於我...

由細到大...都唔洗屋企人理...細個自己讀書...自己返學...自己溫書...從來都唔洗人擔心...

到大個左...17歲就出黎做野做到而家...大假都係放過兩次...有時不得不送個"強"字比自己...我相信...無咩邊個女仔可以好似我咁"強"...

由細到大...壓力都好大...自己對自己亦都有要求...雖然我唔係要定下咩賺錢目標...亦都唔係有咩遠大理想...但只要我想做好一件事,我都會用心同盡力去做...而且係要做到最好...呢樣係我自己對自己既要求...亦都係自己比自己既壓力...

或者o係人地眼中,我永遠都係一個劉家大小姐,一個任性二公主,但係...其實我想講...我一d都唔大小姐,一d都唔公主,只不過我太tough,所以令人有咁既感覺...

做一個"強"既女仔,真係一d都唔容易...呢種所謂既"強"...係一直因為屋企而造成...我老豆係個逃避問題同唔識解決問題既人...我阿媽係一個識解決問題,但又唔想付出解決問題既人...而我細妹係一個有能力又識解決問題,但係永遠都只係自己顧自己既人...所以得番我係...識得解決問題而又有能力解決問題,而又唔會自己顧自己既人...只有我...永遠都係解決問題既o個個人...我唔係想講自己有幾偉大,幾孝順...我只係想講有時太"強"真係好累...幸好我既性格都比較樂觀,好多野都可以好快唔記得...如果唔係...都真係幾辛苦...

由細到大...我都知道我細妹比我多人錫,個個都覺得佢好慘,好大壓力...但其實我想講...最大壓力既人其實係我...佢做左野咁耐...為屋企付出過d咩?佢以為有份幫手租下屋,就好似做左咩大事咁...其實...佢只係盡番做一個主人既責任,而唔係幫屋企...每次同佢講錢...佢都發晒癲...有時真係完全唔想同佢講野...就係由細到大個個都太錫佢,太就佢寵到佢而家咁樣...而家既佢真係幾不知所謂...o係出面對人就好好聲氣,好識大體,好識諗,但返到屋企就變左第二個人...一個仙都唔拎返屋企o個隻...成日o係facebook打到好感動,好生性...但係做出黎既野又係另一回事...有時真係想問佢係咪精神分裂...

人愈大...愈覺得屋企人先係最重要...有緣先會成為一家人...所以亦唔想計較太多...不過呢個細妹...真係要教...佢愈黎愈過份...要等佢世界唔好淨係得佢自己...唔係淨係佢自己先係最重要...