見到個朋友打左d感受出黎...睇完之後...感覺有d似自己既感受...或者...大家某程度上真係有幾分相似...

呢排既生活真係唔多開心,首先係公事,之後係私事...

經理走左之後,一直都比自己好大既壓力,前排爆瘡爆到失控,個人真係超崩潰...更加無奈既係...個個都好似好自由咁,鐘意點就點...而我亦都無能力去學人"管理"人...

新主任黎左,壓力少左...皮膚都好番d...但問題仍然存在...個個好似當佢無度咁,而且亦都唔鐘意佢...而我...亦都同佢地成為左對立...

對立唔緊要...我一直返工既宗旨都係...返工係同事,岩傾先會係朋友...我唔祈求返工識到朋友,但最少我想返工係返工...而唔係好似玩咁...

工作方面,我真係好認真...我從來都係聽order做野既人,除非個order我認為唔合理,如果唔係既話...我都盡量去聽...因為我覺得...上司始終係上司,佢既order係要聽...而唔係要反抗或者對抗...如果咁唔滿意既...其實大可以唔做...受得人工就係要做野,預左要聽上司話...如果個個咁有性格既話...其實真係唔知d人返工黎做咩...

或者而家d人個個都唔志在份工,總係覺得份工可有可無啦...所以從來都無當返工係一件認真既事...鐘意放假既放假,鐘意早走既早走,鐘意轉更既轉更,明知唔可以既,都要轉...其實真係有咩死人"林"樓咁緊要呢?係既話...應該都唔會返到工...咁大個人...下下要人話其實無意思,你唔怕醜,我都覺得煩...

直到今日為止...我無後悔過自己所做既野...即使而家同佢地關係唔好都好...我都係覺得...我做得呢個位就預左無朋友...我唔想返工再嘻嘻哈哈...我唔介意返工用輕鬆既心情,但我介意自己d野都未做好就去嘻嘻哈哈...

雖然我明白我唔可以要求人人都符合我要求...但最起碼我覺得做人最少要有番d良心...對得住公司,對得住自己...

我唔敢話自己係好叻,好做得野,但最少我覺得我收得公司人工,我無欠佢野...佢比幾多人工我,我就做足咁多野比佢...我份人一向都好公平,好均真...返工都一樣,我唔想欠公司,亦都唔想公司欠我...

其實好多野我都知,我都會發現,我都會知道...因為我既感覺太準了...怪就只怪我真係太細心...

有時我都好想好似佢地咁返工嘻嘻哈哈,但我知道自己唔可以,因為我已經唔係細了...職位唔容許...年紀唔容許...自己唔容許...