琴日同你成日無咩傾計...之後見到你facebook update左句野話你好失望...

我即刻msn叫你..你唔應...whatsapp叫你...你唔應...微博叫你..你都係唔應..

我用晒所有方法搵你(除左打比你),你都係唔應...我當時幾驚你係嬲左我..

我突然間諗...如果由呢一刻開始我地唔再係朋友,咁我會點???

我即刻想喊..因為我發覺原來我唔可以無左你呢個好朋友...



呢排我因為你講"結婚"既事,令到我聽完之後唔開心左幾日..

我唔知點解唔開心..

但係我真係好唔開心...

雖然你話你肯要我..我係真心好開心...

因為自問真係襯唔起你...你有晒我想要既男仔有既野...

仲要令仔又有錢...你同我講左咁耐...我一直都當你講笑..因為我唔相信..

直到你真係認真講...我先相信...

但係問題係...我地只係好朋友...無感情...

結婚唔係講玩,我唔係為左你屋企/我屋企人/你開心...我就要去結...

如果你真心鐘意我...我真心鐘意你..一齊當然係無問題..但事實唔係咁樣...

大家都仲細..你仲更加細...可能只係一個"衝動"...想多個人陪...

但我既結婚唔係咁樣...我希望搵個真心鐘意大家,可以一世既人...



雖然我真係好想做少奶奶,好想有人養唔洗做..但當你同我講我可以做少奶奶既時候..

我並唔係真係想像中咁開心..因為如果同你結婚只係為左做少奶奶既話..

咁不如算啦...

我仲想靠自己既能力去搵錢...我想做野最少做到30歲...

我想玩多幾年先學做人老婆...做師奶..

呢排有好多感受都唔敢同你講..只係搵地方講..因為我唔想破壞左大家之間既感情..

我怕影響左我地好朋友既關係...

我咩都唔可以應承你..

我只係想你同我都記住...我地永遠都係好朋友...好嗎???

結婚既事...大家都唔好再提..因為我真係好怕影響左大家既關係...

如果你有一日真心鐘意我..而我又感覺得到既話...

我地先再講啦...好嗎???