同朋友分手後～就如繁華過後回歸平靜！一個人聽住ｍｐ３係銅鑼灣到行，我好似溶合於人群中，但又好似活於另一空間！聽住你鍾意既歌～望住條街～眼前看見既係當日同你一齊經過既影像．．．回憶又再一幕幕出現，每一句對話玩笑～每一個動作～每一個細節感覺又從心中浮現！當思緒返回現實發現自己咀角含笑，果刻係開心既，但又再發現令我擁有ｅｄ回憶既你，其實不在我身邊時～眼淚又再次默默流下．．．一個人行係一條熱鬧既街，份外覺得寂寞～曾經以為去ｄ多人既地方應該會開心ｄ，會體會到果種熱鬧，但越係多人原來就越顯得自己係一個人！

寂寞同活於回憶～都是愛上一個唔愛自己既人其中一個必經階段吧．．．當時間慢慢流逝，有ｄ人會將ｅ種寂寞ｅ種生活都會變成一種習慣，亦有ｄ人會擺脫晒ｅｄ野重新開始！唔知我會係邊種人呢？