今日起身時已經係下午一點了＝＿＝好耐都未試過星期日會咁晏起身～係屋企食左小小野，就出左中環碼頭等個朋友一齊過旺角行街～ｏ～去到旺角我地去左間叫第六感既樓上鋪飲野，果度個氣氛唔錯而且果度有人幫你占卜，今日應該係我ｌｕｃｋｄａｙ吧～因為有店員攪錯左，我免費占卜左一次～ｏ～ｖ占出黎既結果～曖昧關係呢！占卜師講既有ｄ中有ｄ唔中．．．佢話我同你身邊都有人，若進一步發展落去只得曖昧關係，而且事情會越攪越複雜！暫時最好保持現有關係或將關係漸漸拉近～但其實問咁多都無用吧！因為你根本無俾過任何機會我，一切都係自己係到發夢妄想而矣！

今日係你失蹤既第三日了．．．天氣越來越凍，出門在外要自己小心丫～（雖然唔知你係唔係真係出左差．．．）今日開左一本新小說睇，佢其中有一句好似寫緊你ｅ類人：有些人就是太害怕讓人看出自己的寂寞，以為一根煙就能掩飾那陣空虛的沉默！而每到夜晚我就會感到寂寞，一寂寞就會容易想起你～我從來唔怕俾人見到我覺得寂寞，因為通常我寂寞時都係自己一個人困在房中～ｈｅｅ．．．要點做我先唔會咁易想起你呢？會唔會你一番黎之後我就唔會好似ｅ家咁樣呢？我對每個人都講我睇開了，亦放開了～但我自己知道我無，我只係無再做表面既野．．．