琴晚一寫完日記ＰＯＳＴ左無耐，竟然見到你ＯＮＬＩＮＥ喎～唔通我既說話個天真係聽到？＠＿＠係ＭＳＮ叫左你幾聲都無人應．．．最後都係忍唔住打左俾你（唉～～真無用呢我＝．＝）知道你岩岩番到黎～開心，但跟住講同人傾緊～唔開心．．．但唔緊要，慣了～你同人傾緊我就係第三者嘛，第三者永遠都應該係走果個！！

今日其實無特別去番意你的，但往往自己見新都唔會係好事吧～聖誕禮物其實早幾日已經準備好了，只差你有無時間出黎食餐飯交俾你～可惜你無時間可以俾我，可惜我既心機俾人早左一步～一個人一條頸點帶到兩條頸巾呢？有佢織俾你既頸巾就算零下３度又如何？好溫馨既句子，好殘酷既現實．．．心寒既感覺又再次出現，但可能開始習慣Ｅ種感覺，係感覺漸淡既時候我先同你對話～用平淡既情緒對你笑笑說說！亦對你講出聖誕禮物唔送你了，所以亦無需再約了～你對我講唔緊要，因為你都可能無時間買禮物俾我！
傷心嘛？有一點吧～想喊嘛？都有一點吧～仲想愛嘛？仲有一點吧～但果一點已經有Ｄ變，變得有點壓抑唔敢再放得太多！當你需要我時我一定會係你身邊～Ｅ個算係我單方面對你既承諾吧！

鍾意（愛上）你太易，忘記（唔愛）你太難，識著你我太慘！＜～腦海中浮現既句子，當時我真係諗到就打出黎，無諗過Ｄ咩亦或者想同你講咩嫁！傻瓜～你將我諗得太複雜喇．．．琴日開左本新書睇，估唔到今日我竟然已經睇晒（已經唔係用左好多時間睇嫁ＬＡ，點解都會睇得咁快嫁＝＿＝”）當中又有兩句寫得好好：１）一個不愛你的人，在你的生命裡跟死人無分別，他只會令你傷痛，令你牽掛，令你為他浪費時間，然而，他根本不活在你的生命裡．
２）他從對她的想念當中學習愛的距離和洗煉．愛一個人，想做就去做很容易，壓抑才是最困難的事．