從上個星期開始
我o既生活就好似馬不停蹄咁
因為除左返工忙之外
仲要返學
好慘呀...

雖然上個星期五,六都請左假
但係我係無休息過
都係要一早起身,跟住返學
成個星期都無抖過
覺得好累好辛苦

隻手同膊頭又開始痛了
可能條筋又發炎
痛又可以點呢...唉!

上個星期因為有展覽會
好多客都o黎左香港
本來請左假都要返工
堆左好多野o係個位
都唔知幾時先做得完

尋日要返學校
同左老闆講要早少少走
佢話離開公司之前有D野同我傾
原來佢同我講有個新人會返工
減輕下我工作量
問我需唔需要
我話唔需要
佢係唔係唔請呢?

老闆真客氣,宜家通知我有新人返工
我知同唔知
又有咩關係呢
呢個人真神秘

點知...
個新人返左半日工
名都未知佢叫咩
下晝連影都唔見左
下...宜家D人鍾意咁架
佢已經唔係第一個
見工o既時候唔o岩就唔好應承會返工啦

諗住有個人會幫下手
點知...
靠人不如靠自己

我都唔知佢地點請人
廠已經有一位咩都唔識做o既大小姐
我都未見過人地請一個助理返o黎幫個助理做野
咁助理其實係做咩o既呢?
真奇怪!

我好記得大小姐有一句說話俾供應商
"If you want to do, then you can"
好句!!!
咁佢以後唔好同我講-"唔識做"或者"做唔到"了