好耐都無o係呢度講一D關於公事o既野
唔代表我份工做得好開心
只係我連想表達自己唔開心o既時間都無

近排真係好累好辛苦
好多野煩,頭好痛
近乎崩潰

一年裡面不斷o既轉變
真係好想停落o黎
以前個心都會盡心盡力去做
今日...
我放棄了
原來一個人o既力量係改變不到什麼

以為每一次改變
只會愈變愈好
結果... 今次竟然比上次更差

以前幾咁辛苦
一個人跟晒所有o既客
做埋採購o既野
我都唔會有咁辛苦o既感覺
因為最少國內兩個同事肯用心為我去搏
我問o既都可以即時答到

老闆以為把整個生產線轉給另一公司跟
就可以一了百了
但事實...
我們就好似被人"練"住條頸一樣
問又無人答
同一個問題
日日都問
等一個星期先有答案

老闆迫我地去追佢
話唔需要咁有禮貌
宜家人地唔係你請o既員工
就算做錯野,你可以去鬧佢地咩
佢地唔做野,我地唔可以叫佢去做

3日前o既事,排到宜家先去做
仲話我地迫得佢太緊
宜家仲要忍住氣好有禮貌地去叫佢地做野
成日都每事問
做一件事就要問十個人
經十個人批核
拖拖拉拉可能已經一個星期
所有野都經一個人去做
佢真係可以做到咁多野咩?

足之有D野等唔切
咪又係我地自己去做
唔係我唔識做
唔係我唔想做
只係我想知,如果我可以做埋佢o個份
我仲咩要請佢地?

老闆成日叫我忍耐
如果佢日日俾個客鬧
問十次都無人答你野
講左十次都仲問同一件事
我諗佢自己都唔會可以忍耐落去

晚晚都訓得唔好
半夜會醒
不斷諗聽日究竟要做咩

今日聽到老闆同另一個同事講野
我突破覺得...
薑果然愈老愈辣
個同事講一套做一套
小人果然有小人之心

後悔當初老闆問我o既時候我無煮死佢
可能我真係唔夠人地心恨手辣
心軟就留下左禍根

聽到佢同老闆講o既一句
"我都係做我可以做到o既野"
哈哈...真係笑左出o黎
一句咁擦鞋o既說話都講得出口

呢個老闆...需要浪費氣力去討好佢咩
佢成曰都變
之前老闆捉我入去講好多野
我咩意見都唔俾佢
只係笑下就算
佢可能好憎我
睇我唔穿,唔知我諗咩咪仲好
我唔介意佢炒我
或者我仲會輕鬆D,開心D

呢排佢請人
好呀... 請人返o黎接我手啦
我都係o個句
"少講少錯,唔講唔錯"