有一天,有個女仔問我,愛情係唔係自私,定係無私呢???

我諗都無諗就講, "係自私的~~~"

佢之後就講,"我都知你D男人係自私喇...(下刪N字)"

唉,我都唔明白點解佢O地覺得自私就一定差先....

之後,我在吹水裏開O左個POST,多謝各位俾面答O左D 問題...其實大部份人都話愛情係自私同無私,只係睇下個情況...

好,我的觀點係乜, 我用一段說話比較好...

我好自私,所以我要知你去o左邊,因為我怕你會有危險...

我好自私,所以你要買什麼,做什麼,我都會盡力俾到你,因為當我見到你的失望,我的心也在淌血...

我好自私,我有時明明知道你是錯的,但我怕你跟你嘈交,所以我選擇氹你,令你有了王子/公主病...

我好自私,我每一次都逼你同我講你的心事,明知會勾起你的傷心事,但我只想了解你多一些,分擔你的過去或者煩惱多一些...

我好自私,在未得到你父母的允許下,我們就已經在一起,因為我信他們也是"先斬後奏"的,所以他們應該不會太難為我吧...

我好自私,常常都不帶你跟我的朋友出去玩,但係又和你的朋友玩,因為我知道我的朋友是一班, "朋友妻,咪走雞"的餓狼,而你認識你朋友這麼久都無出事,就知他們是正人君子...

我好自私,常常跟你講大話,明知某某俾你好,我都要講,"你重索過佢喇"

我好自私,我明知我父母好傳統,我都要逼你在他們面前得像天使一樣純潔,明知你的心像一隻魔鬼....

我好自私,所以我對你講,你係我的唯一...而明知之後我們的兒女就做o左我們的"第三者"...

我好自私,我想你愛多一些,所以我努力地將你騙過來

我好自私,所以當我明白你不再愛我,我只好無力的放你走,而不說出一句話,因為我不想你被折磨...

所以下次你們唔好問我,愛情係唔係自私了,我只會答你,"如果我like你,我會自私到將你私有化!!!"

因為我明白到,我最自私的事係當我無私的時候,這只係代表我不夠愛你~~~