昨天我同我哥出去之前,我們看了三國演義中的曹操敗走華容,當然我相信大部分人都知結果係關公放佢一條生活,不過又有幾多人可以清楚咁感受到當時曹生同佢d馬仔的想法呢?我現在將佢現代化...
一日, 奇奇同佢一班好兄弟一齊出去飲酒,點知得罪o左一班黑手黨,班黑手黨就落o左追殺令,一定要奇奇死無葬身之地!當然奇奇同佢d好兄弟諗都唔洗諗, "這個時候,唔閃都唔得喇!此地不宜久留,連狗都唔可以留!!" 所以他們就開始佢o地的" one night escape"了...
奇奇話哂都叫百人斬;係一百個人追斬佢都可以走得甩,所以著草當然係佢的強項喇^^. 佢帶領d兄弟走o左一條直路,之後同d兄弟講, "好彩我係著草高手姐,過o左這一條路就安全了..."當個班兄弟信佢信到十足十,點知忽然吳京(殺破狼look)出現o左佢o地面前,奇奇同佢d兄弟就係咁諗, "唔係掛,咁大獲?!" 經過一輪奮戰 (或者係俾人打獲之後), 他們都死好命咁走出佢的魔掌....
之後,到o左條分岔口,奇奇話,"當然係走這條喇,果條路好少人知的..." 佢d兄第中諗, "你唔會又跣我喇?!" 因為奇奇走佬多過食飯,唔信佢都唔得,只好聽佢講喇,點知當佢o地都以為可以走出這條路的時侯,一個李連杰的人物跳o左落o黎,奇奇心諗, "唔係掛,咁黑仔?!"
"大佬,你係唔係玩野喇,唔通佢係無間道?!"d兄弟心諗.....
好彩,佢o地將身上的金錢同手錶都俾哂杰少,杰少就當乜都睇唔到,佢o地先過到關...不過班兄弟已經叫苦連天,而奇奇都好累, "不如返我屋企避一避好了, "
"唔係啊,佢o地一定會有人在你屋企bor."
"你們無聽過,最危險的地方就係最安全的地方咩?無事既..."
"......"
最後一班兄弟都諗唔到點算,只好跟奇奇返屋企...
"過了這個街口都到喇!" 奇奇講. "終於都走得甩喇!" 班兄弟好開心咁叫了出來....
唉,真係人算不如天算,當佢o地都以為無事的時候,一個穿上白色中山裝的男人行o左出來,奇奇同班兄弟都吹了一口涼氣...
"陳真?!"
"唔係,我係子丹!"
"唉,唔通天亡我也!!!"奇奇大叫!!!
"你個仆街,次次都話無事,次次都咁大鑊, 個個重要係宇宙最強?點算啊, 不如推佢出去喇~~" 班兄弟一致決定~~
"十個,我要你們十個!!!" 子丹大叫.
"我們剛剛好十個,你即係要我們都一齊死姐...."班兄弟心諗.
"我有計!" 奇奇說.
"子丹兄,我們都有睇你的精武英雄.陳真的, 你真人真係型過上鏡....下刪五千字..."
"我讀得書少,你唔好呃我!!"子丹半信半疑地說.
"我們當然唔敢呃你喇,丹爺,你睇..." 奇奇拿出他們門票,重有丹爺的Q版陳真公仔, "我知丹爺咁好人,一定會保護我們這班fans的."奇奇一面哭着,一面說着.
"好喇,下次唔好俾我見到你們了..."子丹講完,就走o左了...
"好彩...."奇奇鬆了一口氣...
"你個黑仔王,下次都係唔好同你出來了..."班兄弟心諗....
p.s. 當大家睇完之後,係唔係更加了解曹操同佢d手下的心情呢???
本故事純屬虛構, 如有雷同, 實屬不幸中之大幸~~~