金融海嘯篇 ....

自從金融海嘯打後 , 我地香港有一個新既對象 ...用黎推卸責任既對象 

 點解係新既??因為以前我地賴董生架嗎!!

金融海嘯之後 , 如果你hi大左炒股票炒到唔見左份身家 ...

好奇怪~~係有得賠架 ...

咁我表叔就成日同我講 : 華dee , 睇中邊隻股票 , 我打本俾你玩 ...

點解呀??金融海嘯囉~~唔升都有得回本 ... ^^""

金融海嘯亦都令好多老闆突然之間惡左

以前炒人要咩warning letter , 唔出俾人怪無啦啦炒佢 ...重隨便蝕咁筆 ...

依家好好多啦~~炒你... 唔怪得我架!!金融海嘯呀~~

咩姐??匯豐銀行都係咁啦 ...

但係最勁都係你以前窮會俾人話你唔生性 ...

依家冇人會咁話你啦!!!點解你會窮???金融海嘯呀~~\口/""

信用卡篇 ...

信用卡既出世其實唔係話你聽你以後出街唔洗現金 ...

而你話你聽你張卡重勁過拉登d炸彈 ...

隨時炸死你呀!!!

因為拉登整炸彈都要加呢加路 ... 但係信用卡你用多兩用就爆架啦!!非常簡單 ...

你新買部iphone過熱爆左??有咩咁出奇 ...我個幾張信用卡爆左十世啦!!

卡都會爆架!!呢d係咩化學作用黎??

以前你去伊拉克先會見到阿爾蓋達 ...

依家唔同囉~~通街都係 ... 你事但入行一間鋪頭都爆死你 ...

同埋最勁既一樣野 ... 拉登炸彈爆左就只係爆左咁簡單~~

但係信用卡爆左就唔係只係爆左咁簡單 ...

你張卡爆左 ... 下一句會係___你份身家都唔見左lu!!

生日篇 ...

以前我過生日好開心架!! 成班親戚都送禮俾我 ...

就連你識得個老闆都送野俾我(當佢冇得撈個陣) ... pk在佢好送唔送送胸圍-.-""

不過又唔怪得佢既 ... 佢做呢行架嗎!!

但如果當你讀左中學之後 ...你會發現一樣野 ...

生日一d都唔好

因為當你讀左咁上下耐啦 ... d人識多左啦

你就會發現就算你同條友唔係好熟你都要送野俾佢個喎 ...

而最甘既一樣野係 ... 熟既你會輕手d , 係唔熟個d先最攞命

唉呀!!同你唔係好熟 ... 唔知送咩好喎~~

唔緊要 , 咁我自己黎啦 , 呢件~你埋單 ...

然後你望下個價錢牌 ...

你未叫唔好已經有個姐姐話:唔該850蚊呀!!

平日我覺得個姐姐把聲好好聽架!!唔知點解今日特別難聽 ...

你喉嚨痛呀!?

而重點係就算你出黎搵野做啦 ... 呢個現象都唔會消失架 ...

你個銀包總係有一日會無啦啦一Q清袋個喎 ...

所以依家出黎做既人頂多見到熟人都係話:哇!!你好熟面口喎 ... 哦!!係你 ...

點解唔直接D呀??因為係你既字典裡面 ... 我識得你等於你月頭變月尾