~~~~~~你的衣裳今天我在穿,未留住你郤仍然溫暖~~~~~
依一首歌係我最愛既其中一段,事關我過往放低左唔小既衫係人地道....哈哈哈..
講笑...咪當真..之不過我感覺得倒果句歌詞既意思同情景..
今晚...心靈上有小小偏向感性既一面,好想搵d野黎舒發下~~
回想返我做左咁多年人,朋友既..唔多,知己!一個都冇..反而由讀書開始到現在,紅顏知己就唔小..
可能自己唔係咁鐘意拍拖,有太多手尾要跟,要兼顧既範圍太多,又要lum又要tum,好傷頭腦!!
反而做知己既就唔需要負太多既責任,鐘意既,就一齊出街談下天~~說下地,再唔得閒既傾下電話!最重要一樣既係..你可以無時無刻都耍佢一大餐而佢係唔會嬲既..hehe~~
唔駛顧及咁多情侶上既野~~
遺憾既係...到依家一個都冇..走晒既都走晒,搵倒另一半既,就有異性冇人性..
又或者係己經同我行埋一齊而冇朋友做..
心中總覺得知己同情侶係一線之隔!只係你隻小手有冇拉埋一齊..
其實我亦都係平凡人,同人一樣有甜蜜蜜既滋味~亦都覺得似是非是果下野係幾咁過癮~~
好似早幾年我睇過一套卡通(橙路),係晚晚追住落去,每一集都祈望宮介快d追倒呀圓...
而宮介力追呀圓既過桯中,往往就帶來好多美麗既幻想比我...唔睇唔知,睇過既就會感受到我講緊乜..
無錯~~~總結黎講,果種感覺就係叫做~~曖昧~~