果間係個近郊既老人院,設備都算唔錯
老婆婆入住都有兩年,佢好靜,唔太主動跟人講野,亦都唔會參與任何既活動,整日都坐係院外既草地上.
我同佢傾左一陣,佢都唔係咁願意回答,
我亦都明白老人家不嬲都頑固執著,唔係咁鐘意同陌生人講野,
冇辨法....我只好靜靜地留意下佢,發覺佢雖然靜,對其它人都算友善,經常跟大家分享仔女帶黎既食物,
慢慢咁同佢熟絡,佢先慢慢講比我聽佢既故事,....
老婆婆細過時係鄉下耕田,生活艱苦..
二次大戰後黎到香港,經歷一段非常清貧既日子,因此仍成非常慳儉既個性..
咁多年黎,冇睇過一套戲,冇出過街食飯,亦都唔會去旅行,連老公買多件衫都唔滿意..
辛辛苦苦養大細路,一個個成家立室,有d移民到外國,家用從來唔會比少,
仔女經常叫佢過去住,但係婆婆都以機票貴為理由拒絕,
兒女打長途電話黎,講唔夠兩句話要收線,因為唔想浪費長途電話費,
仔女要返黎香港探佢,佢都會話唔駛仲要佢地留多d錢黎傍身,
丈夫唔止講過要去旅行一次,探探兒孫但係都比婆婆拒絕,
兩個老人家日日夜夜係屋企你眼望我眼,食隔夜既飯菜,聽果個用左廿幾年既收音機,日子一日一日咁過去....
丈夫經常走黎投訢話腰骨痛,婆婆講話係老人病冇得醫,唔好浪費金錢,只係求其落街買d中藥黎煲比佢飲..
直至有日............
丈夫係屋企暈倒送左入醫院,驗出係未期骨癌,昏迷左三日就去世,冇留下半句說話,連係外國既仔女都見唔倒,
因婆婆唔想仔女擔心,過兩日至通知佢地丈夫出左事......
(((佢去世了,先至發現我地一家人原來從未出過街食飯,冇試過一家人去旅行,就連一張全家褔都冇影過,幾十年既日子就咁過去,
我原本以為可以慳少少,儲多幾個錢,唔駛仔女負擔太重,兩老就可以安安定定咁過剩下既日子,但係...原來冇佢係身邊有多多錢都冇用,可惜我發現得太遲....)))
婆婆淡淡咁說出,冇流過一滴淚水,亦都冇乜太多既表情,只係佢面上既蒼涼教人心酸..
為左唔想負累兒女,佢情願選擇入老人院住,而佢再冇嫌仔女浪費時間金錢黎探佢,每次兒孫黎,佢都開開心心咁過大半日既時間..
佢話,多活一天便賺多一天,唔應計較得太多,仲講笑咁話日後跟老野重逢,一定要同佢道歉.............
((人生有好多遺憾,都係因為執著,當懂得既時候,往往已經太遲......))


當我睇完依篇文之後,我領悟倒好多野,但凡事都咁執著一件事,時間就會好快流走...到你得到時,好可能你已經失去左好多野......
就像今天的我,為了明天既生活,
而忽略了擔心我,愛護我的傍人..
到最後雖然得倒了暫時安定既生活,
同時間,我亦都得到了人生最大既缺憾........



世事,往往就是矛盾......
當你得倒一樣野時候,
相對地亦都失去一樣野.......