今晚...好耐冇出過去,到返屋企既時候..比人老點左落海皮果道搭車..
車??就冇呀,痴男怨女就大把~~而我自己就冇咁得閒睇野,照田雞~~急急腳返屋企好過....
之但係一路聽歌一路圍繞海皮行路之下,就停留係道一陣間..
今晚..好凍..比一陣海風兜口兜面打落黎果下野..好痛..又開始勾起我既回憶.......@@@@@@@@
唉.....每次去親吹海風既時候..都總係有大鑊野發生..而且次次都痛得好甘頂..
好似幾年前,岩岩學人搭上愛情既道路上..首次經歷失戀..而我就戇居居咁座係海皮道成晚..學人玩感性...想喊又喊唔出..谷到成塊面都紅晒..爭d爆血管咁濟..
第二次去吹風既時候..果次就真係痛得應棍囉~~~真係喊到七吼就黎流蚊飯咁濟..
而且係座足幾日係道吹..事關果次係面對生命既別離...
今晚,心情亦都唔係特別好,對住海邊都唔方會係好野,而我感覺不久既日子,我又張會失去某一d重要野...
總之一句~~~其實我係好鐘意海...之但係往往總會令我又愛~~又恨~~~