我拍左１６次拖，但只有４個係我認為令我刻骨銘心既男朋友，佢地令我改變左好多．．．．．．
第一個（亦係我認為係初戀既人）佢叫泊承，係左我初吻既男朋友，佢好錫我，但好自我中心，有少少大男人，但個時我唔識珍惜佢，而家同佢係知心朋友．．．．．佢令我學懂【珍惜】
第二個，佢叫亞狄，佢係一個大細路，成日掛住玩～佢帶我去左好多地方，同佢雨中追巴士，第一次去長洲，童話式既拍拖，但因為我既任性，令我同佢產生誤會，而散左，失去佢，令我傷心左半年，佢令我學懂【付出】
第三個，佢叫亞洛，佢係一個好自我既人，亦係一個好理性既人，但佢其實係一個好想做大人既小朋友，同佢一齊，我付出左好多，但失去既更多，一次又一次去爭取佢重視我既機會，但一次又一次失望，佢令我學懂【爭取】
最後一個，亦係而家既男朋友，佢叫亞ｍｉｋｅ，佢亦有小小大男人，雖然佢有時好大脾氣，但佢一切都從我方面去唸，佢令我長大，成熟，面對現實，我做錯好多事，佢一次又一次去原諒我，佢令我感覺到幸福，佢亦同我去過好多地方，令我見識好多野～佢令我學懂【愛一個值得愛既人】