今日係11月19號,係冬天,今日好凍,我一個人去到一個擁有好多我同亞軒開心回憶既小公園,個時,我雙眼不由自主咁流左好多眼淚,而我個心就不停咁怪責自己,點解當時要放棄佢?點解我唔識去顧佢感受?我成個腦都係問題,突然,係我身後出現左一個背影,佢緊緊咁攪實我,佢用佢溫柔既聲線,係我耳邊講左一句「一切已經過去,你無做錯過D咩,你唔需要為過去所發生既事付D咩責任,以後無論發生d咩事,都有我同你一齊去面對……」佢攪實我個種感覺真係令我覺得好安全,好似所有人都唔可以傷害我一樣:
佢叫亞基,大我3年11個月零30日,係我知心好友,由認識佢到愛上佢,我都覺得係開心,雖然有時我地都會為小事而嘈交,但始終我地都會主動搵番對方,我同佢就係咁…….
另外,我有3個生死之交,亞化.亞欣同埋小薇,由細到大我地已經係好朋友,可能係因為我地都O係問題家庭長大既關係啦~我地一直都認定大家志同道合,3為一體,有咩唔開心,,都會唸起大家…
亞欣(黃芷欣),佢大我一年,係一個忠於正義既女仔,最鍾意就做d類似英雄feel既野,可能因為佢細細個佢老豆因為做消防員而詢職,所以亞所希望繼成佢老豆個份正義感
而亞化(程曉樺),佢同我同年,係一個好樂天既女仔,永遠比人既feel都係唔會為任何野而煩到既人,所以一唔開心同佢出街就一定唔會再唔開心;
最後就係小薇(佘小薇),佢大我半年,係一個同性戀既女仔,曾經,我都同佢拍過拖,但一年之後,我地就和平分手……食煙,飲酒,介手,落D,偷野,打交,坐牢….樣樣野佢以前都做齊,但其實佢本質一D都唔壞,令到佢攪成咁既係佢老豆同亞媽,本來小薇有一個好錫佢既親亞哥(家豪),但因為佢亞哥細個已經失左蹤,所以小薇由5歲開始,屋企就得番佢同佢父母,而佢父母一個月得3日係留係屋企陪小薇而其餘時間就得小薇係屋企,令到小薇覺得好似被人遺棄,開始自暴自棄,有一個月我地根本完全搵唔到佢,原來佢比班壞人捉左,到搵到佢既時間,佢滿身傷痕,只識攬住我係到勁喊~我地唔知佢發生過d咩事,但我地都無問過佢.無謂令佢傷心啦~可能係我地對佢既關心令佢改過啦,佢依家不但只無以前咁壞,而且報左間夜校好乖咁讀書~
而我,叫亞儀(蔡詠儀),生長於一個單親家庭,亞媽係因為生我出黎而失血過多死,由細到大亞爸都覺得我係黑星,一d都唔錫我,我做錯小小野佢都打到我傷曬佢先停手, 而且,我係獨女,無兄弟姊妹,就係因為咁,我細細個開始只同住係附近既亞欣,亞化,小薇一齊去公園玩,佢地對我黎講比親人仲更加重要;呢4年,我地經歷既野可能好多人一生都唔會有機會經歷到……
係4年前------
miss陳:各位同學,呢位係由德英書院轉黎我地學校皇德書院讀書既插班生,佢叫粱嘉儀