禽日同嘉嘉傾左陣MSN.知道左佢同男朋友分左手,之後慢慢又講番起我自己既同以前既女朋友.
(嘉嘉個樣同我以前女朋友有9成相似,所以一直我既下意識都當左係我女朋友,有時佢同男仔傾計玩,我都會有D嬲,不過一諗真D又真係覺得自己好傻,因為佢只係自己既朋友,而且更加已經有男朋友.或者我真係太愛過去既女朋友啦,所以好多時都當左佢係我過去既女朋友)
係言談中,佢問我有無男仔可以介紹比佢.我同佢講,我根本唔會張佢介紹比人,佢自己應該好清楚,要介紹都係介紹比我自己,佢一口答應左話好.
係果一刻我都幾亂,我只係可以扮唔知,無回覆番佢,其實我聽到佢咁講係高興既,因為我知道佢比機會自己,我愛既人雖然好似佢,但始終唔係佢,我怕我自己面對唔到,何況佢同我女朋友雖然個樣好似,但性格岩岩相反.
不過好多時都好想佢,比個機會自己,講一句以前未曾真心向自己女朋友講過既說話,就係[我愛你]
我坦白同佢講,我唔知我地既可能性去到邊,不過我剩係想係你呢刻,你可唔可以比個機會我,對你真心咁講一聲我愛你.(係果一刻我完全唔知做緊咩,剩係好想對住嘉嘉?定係佢?講出呢3個埋藏左係心裡面2年既說話)
其實係呢句說話,我知我出賣左嘉嘉,我知我既說話唔係對佢講,無錯講左出黎個人係輕左,不過相反我覺得自己好大罪惡感....