自從出左黎做野,慢慢因為工作已經小左同朋友聯絡,自從上次志維結婚,見番一大班朋友,自己果一刻真係好想對朋友講,我好掛住佢地,更加掛住以前成班人一齊去玩既日子,係言談中好多野自己都完全唔知,好多人都未見過,佢地就講:[你成日唔出黎,緊係咩都唔知啦...]嗯...我都知自己係呢2年真係小左出黎,所以係果一刻,我決定左要搵多d佢地,希望可以好似以前咁.
但係...大家已經有左自己既生活圈子同工作,都為左自己既生活而忙碌,所以係過左2個星期後既今天,我雖然都同好多朋友出過黎,都同好多曾經最好朋友去過玩,但我自己都知道,大家已經唔再可以好似以前咁,要去邊幾時都可以,要搵時間大家都得閒,就更加難上加難,唉~~~或者可能呢個就係人生必經之路啦~
又或者自己之所以會咁想好似以前咁,係因為自己寂寞掛.....