尋日早上打左~~樂兒終於同我講分手之後....我一直都冇訓過....訓左係張床度諗野~~諗左好多野~~之後我既好友銘哥仔....佢上左黎.....佢知道發生咩事...佢只係係度逗我開心...後來痴侖同庭量都上埋黎玩啤牌....我重贏左$40...不過我知道佢地只係想逗我開心....玩完佢地話出旺角....之後行街~~係行既過程我一路都係度強行歡笑.....不過我都好多謝佢地....原來我有咁好既朋友係身邊.....行完話唱k...之後唱唔成就去左食左野....然後借左隻~~再說一次我愛你~~睇.....之後岩岩睇完.....

依家睇完鉤起左我好多野....係戲入面我發覺原來劉德華同我有一個相似既地方....就係到失去左之後先肯好想去做番d野.....

我記得樂兒曾經好多次打卑我話訓唔著想我同佢傾計....但係我冇陪到....只係說好眼訓聽日先講啦.....到依家我又發覺原來我未曾試過同佢講電話係多過15分鍾.....

我又記得樂兒曾經叫過我好多次要我送佢返屋企....但係我永遠都只係答佢咁遠...我一陣重要返工...我驚我趕唔到返工....但係回想番其實重有好多時間送佢...到依家我發覺原來我只係送過五次....

我知道樂兒其實好想收到禮物...但係出糧果日我只係會同佢去食飯睇戲...但係我只係係佢生日送過一隻公仔....同埋係聖誕節送左條鏈.......剩低就拿黎卑自己玩.....但係佢送卑我既野我岩岩睇番......原來係好多好多~~

我依家真係唔知講咩好.....我發覺我係之前同佢拍拖果8個月.....係冇為佢做過一樣野.....我發覺我真係唔可以相信依個係一個男朋友對女朋友既所為.....如果我係佢已經一早講分手......我依家真係好後悔.....後悔之前唔同佢講電話....依家好想同佢傾....後悔果時唔多d送佢番屋企....依家好想見佢......後悔拿晒d錢去玩都唔買d野卑佢....我依家真係好後悔....好後悔......好後悔.........寫到依到我既眼淚又開始流喇.........