唉...
勁唔開心...
前個排我同事&朋友亞偉佢話未出糧....
但係有班同事就已經出左糧...
佢地成班話返大陸玩...
咁我唔去但係亞偉就好想去~~
所以問我借左$1000去玩~~
重話到佢出左糧之後還番卑我加請我去玩~~
咁我又冇回鄉証...
所以我冇同佢地一齊返大陸...
但係借左$1000卑佢...
到佢前日出糧我見佢都未有意思還卑我..
而佢今日又返夜班..
咁我岩先就打卑佢問佢幾時還...
但係佢竟然答我:你唔係請我去咩...我依家洗剩$300咋...
我份糧都用晒喇...
之後我勁興咁同佢講:我幾時有講過話請你呀...我話借卑你咋喎...
之後佢答我:喂..你唔好屈我喎...係你話請我去我先上咋喎咁...依家得知$300咁你要唔要呀...
之後我就答佢:我當你係朋友你當我係水魚呀!?你唔係呀...咁你依家究竟肯唔肯還呀...?
之後佢就話一陣打卑我就cut左我線...

依家我勁唔開心...都唔係第一次借錢卑朋友而朋友唔肯還...
錢銀上同朋友其實真係冇得計...
好似我同亞銘咁...
我冇錢佢請...佢冇請我請...
但係有d朋友真係埋身係為左拿你著數....
真係好憎依d人...
而我最傷心既係我信錯左一個我唔應該信既人...