今日我兩點鍾起身返工~~咁我沖完個涼~~換埋杉~~坐左係度睇左陣電視~~諗住出門口果時~~發覺個頭同個身好熱~~咁我就探下熱啦~~點知發覺發燒~~104度~~之後我就訓左係張床度~~諗緊返唔返工好~~諗諗下個頭開始勁痛~~咁我就換番d杉~~訓覺~~6點度啦~~我super打卑我問我有冇開單~~我話我今日病左發燒返唔到工~~我諗住仆街啦~~實卑佢屌啦~~點知佢竟然話~~你下次病左就早d打卑我同我講啦~~咁你今日同聽日唔好番喇~~休息多d啦~~佢咁樣講我好唔知點~~因為我係同埋另外四個同事係上個月由另一條team轉過黎~~因為我個亞頭~~姐係我地四個最高級果個同佢有牙齒印~~所以一開始我地都唔係太鍾意佢~~但係e個星期同個super關係好左~~而且自今日之後~~發覺佢其實都唔差姐~~好喇講番轉頭~~我聽完佢電話之後就訓到依家~~之後自己整左d粥食~~食完拍左兩粒感冒丸~~之後就打左e個日記~~