今日朝早6點幾起身, 搞埋d手尾等我老母同我個妹返黎. 佢地7點9返到黎, 我諗住再訓一陣, 點知我老母叫我, 叫得又鬼咁細聲, 要我行去佢面前聽, 幫佢搞掂d野上返床隔幾秒, 佢又再叫過, 如是者走來走去好多次, 唔想再行, 我話我聽唔到叫佢大聲d, 點知佢竟然話我係唔係失聰叫我去驗耳...吹漲! 到10點幾我就頂唔順佢咁煩, 就索性走落街"hair".

下晝去左圖書館"hair", 將個電話較左震機, 去完圖書館之後去老麥吃晚飯, 吃到7點, 然後先發現我亞麻搵過我. 我打返電話比亞麻, 點知亞麻係咁屌問我去左邊做咩唔聽電話, 我話我頭先左圖書館同將個電話較左震機所以聽唔到電話響, 佢又問我響邊, 我話響上水, 佢落order話今晚7點半同埋老母亞妹上去佢度吃飯, 又係咁屌問我老母同我個妹去左邊, 我話我唔知呀 (事實係唔知嘛) 又比佢屌... 屌完又再屌返我做咩唔聽電話, 又再問我響邊...

到左7點半, 我自己一個人先上去亞麻屋企, 無等我老母. 上到去又比亞麻屌我點解唔知老母同個妹去左邊... (人地有手有腳, 又未有手機可以搵, 我點知佢地去左邊喎) 要我落樓下大門口等佢地, 我響下面比風吹到頭都赤, 等到8點我亞麻先打電話比我叫我唔好等, 返上去吃飯, 但又要屌多幾句話鳩佢地遲到先收線...

今日真係好黑...!!!