5月27日星期六, 我老母話夜晚8點會由美國飛到黎香港機場, 佢要求接機, 我搵埋個朋友渣埋車入機場接佢. 點知由8點等到10點半都唔見人, 告示板又冇佢班機, 去counter check又check唔到. 我個朋友仔好早要起身返工, 等左咁耐唔見人, 又冇聯絡我, 冇辦法之下唯有返屋企.

返到屋企都11點幾, 岩岩食完野, 我老母就打電話黎...
母: 你響邊呀? 你唔係黎接我咩?!
我: 我響屋企呀, 我由8點等到你10點半呀
母: 我班機delay呀!
我: 已經等左你兩個幾鍾喇! 我朋友都要返工, 要訓覺架!
母: 你冇check我班機有冇delay架咩?!
我: 我睇塊板又唔見, 去counter問又check唔到呀!
母: 咁我而家點呀?
我: 你唔係要我出返去機場呀嘛!?
母: 咁我點返黎?
我: 搭機場巴士喇!
母: 要幾錢架? 搭邊條線?
我: 我而家上網check, 你等陣 (check電腦中)
母: 係唔係有地鐵搭架?
我: (check電腦中) 地鐵? 而家幾點呀, 姐姐!
母: 咁搭巴士呀? 但係我冇港紙呀! 得美金呀!
我: (check電腦中) 去找換店"唱"啦!
母: 我驚咁少錢佢唔"唱"比我呀!
我: (check電腦中) "唱"多d囉, 你始終都要"唱"架啦!
母: 咁你過唔過黎車站接我呀?
我: 你唔係叫我而家出返去機場下化?!
母: 去上水巴士站接我啦!
我: 你想呀? 咁好啦!
母: 你有冇朋友一齊黎接呀?
我: 邊度有朋友o即?! 唔使訓覺呀?! 十二點喇, 亞姐!
母: 咁點呀?!
我: 我落黎接你囉!
母: 你一個人驚唔驚呀?
我: 咁我可以點呀?!
母: (cut線)

大約9個字之後, 我落去樓下機場巴士個站度等, 等到2點都唔見人. 後尾兩點幾我亞麻打電話比我, 話我老母搭的士返到屋企, 響度嘈話冇門口入. 我話...我響巴士站等左粒幾鍾呀... 我亞麻都覺得我老母又冇交帶又麻煩!


今日朝早, 我老母不停出出入入我間房玩電腦, 嘈住我訓.
母: 點解開唔到既?
我: (睡夢中) 咩開唔到呀?
母: 個野開唔到呀!
我: 你又唔講係咩野, 我點知d咩開唔到呀?
母: msn呀!
我: ... (思考中) 呢部電腦係開唔到架喎
母: 咁點呀?
我: 玩唔到msn囉! (繼續訓)